Sambhaji nagar : भावजीने केला सालीचा विनयभंग, गुन्हा दाखल
वाळूजमहानगर : आई-वडील, भाऊ, आजी व पतीपासून विभक्त झालेल्या बहिणीसह पंढरपूर येथे राहणाऱ्या २६ वर्षीय तरुणीच्या भाऊजीने फोटोवर अश्लील मेसेज लिहून विनयभंग केला. हा प्रकार शनिवारी (ता.२२) वाळूज परिसरात घडला. आरोपी संभाजी होणाजी डवारे (वय ३४) याचे पीडित मुलीच्या मोठ्या बहिणीशी २०१९ मध्ये लग्न झाले आहे.
मात्र, ती व तिचा पती यांच्यात घरगुती वाद झाल्याने ती माहेरीच राहते. प्रकरण तक्रार निवारण केंद्रात आहे. पीडित तरुणीचा विवाह पुढील महिन्यात ठरला आहे. शनिवारी (ता.२२) सायंकाळी ६ वाजेच्या सुमारास आरोपीने पिडीत तरुणीच्या फोटोवर अश्लील मेसेज लिहून ते तिच्या वॉटस्अप नंबरवर टाकले.
तसेच पत्नीला उद्देशून तू जोपर्यंत येत नाही, तोपर्यंत मी पैसे देऊन सालीचे ते फोटो तिच्या गावी व सगळ्या गावात टाकतो, तिच्या होणाऱ्या नवऱ्याला व लग्नात पण फोटो टाकतो, अशी धमकी दिली. याप्रकरणी वाळूज एमआयडीसी पोलीस ठाण्यात गुन्हा दाखल करण्यात आला.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.