छत्रपती संभाजीनगर : आता शाळेत काम करणाऱ्या शिक्षकांनी खासगी कोचिंग क्लास घेण्याचा विचारही करू नये! जिल्हा परिषदेच्या सर्वच प्राथमिक व माध्यमिक शाळांमधील शिक्षकांनी खासगी कोचिंग क्लासेस चालवू नयेत किंवा अशा क्लासेसमध्ये कामही करू नये, असे आदेश नुकतेच शिक्षणाधिकारी (माध्यमिक) अश्विनी लाठकर यांनी दिले आहेत. दरम्यान, यामागे अखिल भारतीय जिवा सेनेचे जिल्हाध्यक्ष मुंजाभाऊ भाले यांच्या निवेदनाची पार्श्वभूमी आहे.