Child Shelter Abuse : ‘विद्यादीप’च्या अधीक्षिकेसह तिघींना अटक; बालगृहात मुलींच्या छळाचे प्रकरण

छत्रपती संभाजीनगर : अल्पवयीन मुलींचा छळ केल्याप्रकरणात विद्यादीप बालगृहाच्या सहायक अधीक्षिकेसह केअर टेकर, सिस्टर्स अशा तिघींना पोलिसांनी बुधवारी (ता. नऊ) दुपारी अटक केली. .त्यांच्याविरद्ध छावणी पोलिस ठाण्यात गुन्हा दाखल झाला. बालगृहातील नऊ मुलींनी पलायन केले होते. त्यानंतर त्यांनी बालगृहाविरोधात गंभीर आरोप केले होते. हा गंभीर प्रकार समोर येऊनही गुन्हा का दाखल झाला नाही, असा सवाल मुंबई उच्च न्यायालयाच्या औरंगाबाद खंडपीठाने उपस्थित केला होता..‘विद्यादीप’च्या सहायक अधीक्षिका अन्वेलरी भगवानदास जोसेफ (वय ३१), सिस्टर सुचिता भास्कर गायकवाड (५६), केअर टेकर अलका फकिरराव साळुंके (४६) अशी अटक केलेल्यांची नावे आहेत. याप्रकरणी बालगृहातील १६ वर्षीय मुलगी फिर्यादी आहे..काय आहेत आरोप?बालगृह प्रशासनाकडून मुलींना शुद्ध पाणी मिळत नव्हते, जेवणही पुरेसे दिले जात नसे. त्यांचे शिक्षणही थांबविण्यात आले होते. बालगृहात विशिष्ट धर्माची प्रार्थना म्हणणे अनिवार्य केले होते. प्रार्थना केली नाही तर गुडघ्यावर बसण्याची शिक्षा दिली जात असे. कोणी आजारी पडले, पोटात दुखू लागले तर सरसकट एकच गोळी दिली जात असे..कपडे बदलण्याच्या खोलीतच दोन सीसीटीव्ही कॅमेरे लावल्याने लज्जा उत्पन्न होत असल्याचेही फिर्यादीत नमूद करण्यात आले आहे. ‘आम्ही तुम्हाला सांभाळतो, बालकल्याण समिती काही खर्च करत नाही’ असे रागात सांगून ‘विद्यादीप’च्या संबंधितांनी खोलीचा दरवाजा बंद केला. मुलींनी आरडाओरड केल्यानंतर पोलिस आले होते, तेव्हा सर्वांना शांत करण्यात आले. एका रात्री मुलीला दातखीळ बसल्यानंतर पवित्र पाणी शिंपडले. या घटनेमुळे संतापलेल्या मुलींनी बालकल्याण समितीला भेटण्याची विनंती केली होती. मात्र, समितीचे अधिकारी येत असल्याची उत्तरे मिळत गेली. समिती न आल्याने मुलींनी सीसीटीव्ही कॅमेऱ्यांची तोडफोड केली आणि बालगृहाच्या मुख्य प्रवेशद्वाराला कुलूप ठोकले. वरच्या बाजूचे कुलूप तोडून टेरेसवरून सज्जावर उड्या घेत जिल्हा न्यायालयाकडे पळ काढला. त्यानंतर न्यायालयाच्या आवारात दामिनी पथकाच्या कर्मचाऱ्यांनी आम्हाला पकडल्याचा उल्लेख फिर्यादीत केला आहे..Worker Dies in Bidkin Factory : मशीनमध्ये डोके अडकून कामगाराचा मृत्यू ....अन् पोलिस लागले कामालाखंडपीठाने बालगृहाविरोधातील कारवाईबद्दल विचारणा केल्यानंतर पोलिस दलाला खऱ्या अर्थाने जाग आली. पोलिस आयुक्तांनी आज दुपारपासून सहायक आयुक्त, तीन पोलिस निरीक्षक, चार-पाच महिला पोलिस अधिकाऱ्यांना कारवाईसाठी पाठविले. अखेर वेदांतनगर पोलिस ठाण्याच्या निरीक्षक प्रविणा यादव, दौलताबादच्या पोलिस निरीक्षक रेखा लोंढे, सिटी चौक पोलिस ठाण्याच्या निरीक्षक निर्मला परदेशी यांनी संशयित महिलांना अटक केली. निर्मला परदेशी तपास करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Child Shelter Abuse : ‘विद्यादीप’च्या अधीक्षिकेसह तिघींना अटक; बालगृहात मुलींच्या छळाचे प्रकरण

Related Stories