सचिन पवार
छत्रपती संभाजीनगर : एकाच रुग्णामध्ये अनेक प्रकारचे कॅन्सर असल्याची बाब यापूर्वी समोर आली होती. यानंतर आता टीएनबीसीचे (ट्रिपल निगेटिव्ह ब्रेस्ट कॅन्सर) रुग्ण वाढत आहेत. या प्रकारात इतर अवयवांपर्यंत हा कॅन्सर लवकर पोचत असल्याने यावर उपचार करणे हे वैद्यकीय तज्ज्ञांसमोर आव्हान ठरत आहे. यासाठी लवकर निदान अन् उपचार महत्त्वाचे ठरत असल्याचे तज्ज्ञांचे मत आहे.