Crime News : पत्नीचा गळा दाबून खून; संशयित पती ताब्यात, खुनाचा गुन्हा दाखल

पिशोर : मोहंद्री (ता. कन्नड) येथे शेतात सालगडी म्हणून काम करणाऱ्या पतीने पत्नीचा काठीने मारहाण करत गळा दाबून खून केला. पिंकाबाई संजय देवळे (वय २७) असे खून झालेल्या महिलेचे नाव आहे..पिशोर जवळ मोहंद्री येथे निवृत्त शिक्षक अवचितराव भीमराव जाधव यांच्या शेतात मध्य प्रदेश येथील बोरगाव (ता. पढाना, जि. खंडवा) येथील संजय महिकाल देवळे व पिंकाबाई संजय देवळे हे जोडपे एक वर्षापासून सालगडी म्हणून कामाला होते. बिरोबाचा खोरा शिवारातील गट क्र. २२१ मधील पत्र्याच्या शेडमध्ये हे दोघे त्यांच्या मुलांसह राहात होते. .Jairam Ramesh : शिष्टमंडळ दौऱ्यांवरून काँग्रेस आक्रमक; सरकारवर जनतेचा भ्रम निर्माण करण्याचा आरोप.मुले मोहंद्री गावात नातेवाइकाकडे गेलेले असताना मंगळवारी (ता. २०) रात्री आरोपी पतीला पत्नीकडे एक नवीन मोबाइल सापडला. त्यावरून दोघांमध्ये भांडण झाले. मोबाइल कोणी दिला, याबाबत पती संजय याने विचारपूस केली असता, पिंकाबाईने उत्तर दिले नाही. याचा राग धरून संजयने तो मोबाइल चुलीत फेकून दिला व पत्नीस काठीने बेदम मारहाण करून गळा दाबला. पत्नी बेशुद्ध पडल्याचे पाहून तो बाजूला दुसऱ्या शेडमध्ये जाऊन झोपला..दुसऱ्या दिवशी सकाळी शेतमालक अवचितराव जाधव यांना एका शेतकऱ्याने ही महिला जखमी अवस्थेत निपचित पडल्याचे कळविले. त्यांनी याविषयी पिशोर पोलिसांना कळविले व महिलेला तत्काळ शेतातून पिशोर येथील ग्रामीण रुग्णालयात दाखल केले. तेव्हा डॉ. अमोल गिरी यांनी महिलेला तपासून मृत घोषित केले. महिलेच्या शरीरावर मारहाणीच्या व गळ्यावर दाबल्याच्या खुणा असल्याने पोलिसांनी तपासाची चक्रे हलवून मृत महिलेचा पती संजय देवळे याला ताब्यात घेतले. त्याने मारहाण करून व गळा दाबून खून केल्याचे कबूल केले असून त्याच्यावर खुनाचा गुन्हा दाखल करण्यात आला..Bhushan Gavai : सुटीकाळात वकिलांनाच काम करायचे नसते; सरन्यायाधीश भूषण गवई, न्यायपालिकेला जबाबदार धरणे चुकीचे.अपर पोलिस अधीक्षक अन्नपूर्णा सिंग, सहायक पोलिस निरीक्षक शिवाजी नागवे, सहायक पोलिस निरीक्षक शिवाजीराव नागवे, दुय्यम अधिकारी विश्वास फरताडे, रायटर विलास सोनवणे, बिट अंमलदार किरण गंडे, पवन खंबाट, विजय भोटकर, गणेश कवाळ, फॉरेन्सिक टीमचे सीताकांत पटकर, सुनील पल्हाळ, कुलभूषण शेजवळ यांनी घटनास्थळी भेट देऊन पंचनामा केला. पोलिस उपनिरीक्षक विश्वजित फरताडे हे या प्रकरणाचा तपास करीत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.