औसा : औशाचे आमदार अभिमन्यू पवार आणि निलंग्याचे आमदार संभाजी पाटील निलंगेकर यांच्यात असलेल्या अंतर्गत राजकीय वादामुळे पक्षश्रेष्ठीनी या दोघांनाही मंत्रिमंडळात स्थान न दिल्याने औशाची आणि निलंग्याची अवस्था 'तुला न मला घाल....' अशी झाल्याची चर्चा आहे. गेल्या आठ दिवसापासून दोघांचेही समर्थक आपल्याच आमदाराला मंत्रिपद मिळणार असल्याची खात्री बाळगून होते. मात्र आज झालेल्या मंत्रिपदाच्या शपथविधीत या दोघांपैकी एकानेही शपथ न घेतल्याने औसा आणि निलंगा मतदारसंघात निराशा पसरली आहे.