

Beed farmers use water-saving techniques to protect their mulberry farms.
esakal
अभिषेक सोळुंके
बीड, : पाऊस यंदा रुसला असेल, विहिरींनी तळ गाठला असेल; पण आम्ही खचणार नाही! जीवापाड जपलेली ही तुतीची बागच आमच्या कुटुंबाचा आर्थिक आधार आहे. थेंब-थेंब पाण्याचे नियोजन करून आम्ही ही हिरवाई जगवणारच...बीडच्या शिवारातील एका रेशीम उत्पादक शेतकऱ्याचे हे उद्गार केवळ हताशा नव्हे, तर संकटाशी दोन हात करण्याची अभूतपूर्व जिद्द दाखवून देतात. निसर्गाच्या लहरीपणामुळे यंदा पावसाने दडी मारली असली, तरी जिल्ह्यातील ५ हजार १४० शेतकऱ्यांनी हार न मानता आधुनिक तंत्रज्ञान आणि पाण्याच्या काटकसरीच्या वापरातून सुमारे चार हजार एकरवरील रेशीम शेती जगविण्याचा यशस्वी निर्धार केला आहे.