Beed News
esakal
बीड: मागच्या पंधरा दिवसांपासून सूर्याने जणू बीड जिल्ह्यावर आग ओकण्यास सुरवात केली आहे. मंगळवारी तापमानाचा पारा ४४ अंशांकडे गेल्याची नोंद झाली. या वाढत्या तापमानामुळे बीडची बाजारपेठ थंडावली असून रस्ते भरदुपारी निर्मनुष्य होताना दिसत आहेत.
जिल्ह्यात उन्हाचा तडाखा इतका प्रचंड आहे की, सकाळी १० पासूनच चटके जाणवू लागतात. दुपारी १२ ते ४ या वेळेत घराबाहेर पडणे जिकिरीचे झाले आहे. बीडमधील सर्वाधिक वर्दळीचा समजला जाणारा धुळे-सोलापूर महामार्ग दुपारच्या सत्रात पूर्णपणे ओस पडत आहे.
