गेवराई (बीड) : गेवराईहून बीडकडे प्रवासी घेउन निघालेला अॅपेरिक्षा पलटी होउन झालेल्या अपघातात एक जण जागीच ठार तर चार जण जखमी झाल्याची घटना धुळे - सोलापुर राष्ट्रीय महामार्गावरील रांजणी जवळ ता. २७ मंगळवार रोजी दुपारी एक वाजण्याच्या सुमारास घडली. जखमीवर येथील उपजिल्हा रूग्णालयात प्राथमिक उपचार करून पुढील उपचारासाठी बीड जिल्हा रूग्णालयात हलविण्यात आले.
गेवराई येथून बीडकडे प्रवासी घेउन निघालेला अॅपे रिक्षा (एम.एच. २३ सी ७४२९) हा अॅपे रिक्षा धुळे - सोलापूर राष्ट्रीय महामार्गावरील रांजणीजवळ दुपारी एक वाजण्याच्या सुमारास अचानक पलटी होऊन या अपघातात विद्यार्थी नितीन अशोक दहीफळे (वय १७) हा जागीच ठार झाला आहे, तर त्याची आई लोचना दहीफळे वय ४२, नारायण सावंत (वय ६३, रा. रांजणी), सुरेखा सव्वासे (वय ३२, रा. साष्ट पिंपळगाव, ता. अंबड) व अन्य एक असे चारजण गंभीर जखमी झाले होते. त्यांना तत्काळ बीडहून गेवराईकडे येत असलेले विजय सुतार व अक्षय सुतार यांनी येथील उपजिल्हा रूग्णालयात उपचारासाठी दाखल केले. जखमींवर प्राथमिक उपचार करून पुढील उपचारासाठी बीड येथील जिल्हा रूग्णालयात पाठवण्यात आले आहे. मयताचे शवविच्छेदन येथील उपजिल्हा रुग्णालयात करण्यात आले. याप्रकरणी उशीरापर्यंत गुन्हा दाखल झाला नव्हता.
गढी येथून बीड तालुक्यातील खंडाळा येथे गावाकडे जात असलेला नुकताच दहावी पास झालेला व प्रवेशासाठी गढी येथील नवोदय विद्यालयात आलेला विद्यार्थी नितिन अशोक दहिफळे वय १७ हा या अपघातात जागीच ठार झाला. त्यांची आई गंभीर जखमी आहे. प्रवेश घेण्यासाठी आलेल्या विद्यार्थी यावर काळाने घाला घातला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
