बीड : जिल्ह्यातील कायदा व सुव्यवस्था सुरळीत करण्यासाठी पोलिस अधीक्षक नवनीत कॉवत यांनी अगोदर अवैध धंद्यांविरुद्ध कारवाईची मोहिम राबवली. त्यानंतर आता गुन्हेगारी पाश्र्वभूमी असलेल्यांना रडारवर घेतले आहे. वाळू माफिया, गंभीर गुन्हे नोंद असलेल्यांना तंबी दिल्यानंतर मंगळवारी (ता. १८) खुनाच्या प्रयत्नाचे गुन्हे नोंद असलेल्या दीडशे संशयितांची पोलिस अधीक्षक कार्यालयात बोलावून त्यांची परेड घेण्यात आली.