Beed Road Construction Issue: रस्ता कामाला अडथळ्यांचा फेरा; बीडमध्ये चौपदरीकरणाचा वेग मंदावला; खोदकाम, धुळीचे लोट आणि वाहतूक कोंडी

दत्ता देशमुख

बीड: अनेक वर्षे निधी अभावी रखडलेल्या रस्ता कामाची सुरवात झाली. पण, आता जागोजागी अडवणुकीचे प्रकार सुरु असल्याने महामार्ग प्राधिकरण आणि कंत्राटदार यंत्रणा त्रस्त झाल्या आहेत. याचा परिणाम काम सतत थांबल्याने नियोजित मुदतीत तर काम होणारच नाही. शिवाय, आता जागोजागी खोदकाम, त्यात पाणी मारले जात नसल्याने धूळ, दिशादर्शक नसल्याने वाहने एकाच बाजूने असा गोंधळ सुरू आहे. यात जिल्हा प्रशासनाने लक्ष घालण्याची गरज आहे.