भोकरदन (जि. जालना) ता. २३ : शहरातील जोमाळा परिसरातील श्री गणपती विद्यालयाच्या निवासी वसतिगृहात आठवर्षीय मुलाचा गळा आवळून खून झाल्याची धक्कादायक घटना मंगळवारी (ता. २२) उघडकीस आली. आदिवासी विकास प्रकल्प कार्यालया अंतर्गत हे वसतिगृह असून मुलांच्या भांडणातून हा प्रकार झाल्याचा अंदाज पोलिसांनी व्यक्त केला. बालवीर अजय पवार (वय ८) असे खून झालेल्या मुलाचे नाव आहे. भोकरदन पोलिसांनी दोन विधीसंघर्षग्रस्त मुलांना ताब्यात घेतले आहे.