Dharashiv News: भूम शहरातील नागरिकांसाठी गुड न्यूज! अनेक भागांतील रस्त्यांचे काँक्रीटीकरण होणार; विकासकामांचे भूमिपूजन

-धनंजय शेटे

भूम: भूम शहरातील अंतर्गत रस्त्यांची दुरवस्था दूर करून नागरिकांना चांगल्या पायाभूत सुविधा उपलब्ध करून देण्याच्या दृष्टीने भूम नगरपरिषदेच्या माध्यमातून विकासकामांना गती देण्यात येत आहे. जिल्हा नियोजन व विकास समितीच्या जिल्हास्तरीय योजनेअंतर्गत शहरातील विविध भागांतील रस्त्यांच्या कामांचे मंगळवारी, दि. ३ नोव्हेंबर रोजी नगराध्यक्षा संयोगिता गाढवे यांच्या हस्ते भूमिपूजन करण्यात आले. मागील वर्षभरापासून शहरात विकासकामांच्या उद्घाटनाचा कार्यक्रम झालेला नसताना आता रस्त्यांच्या कामांना सुरुवात होत असल्याने नागरिकांमध्ये अपेक्षा व्यक्त होत आहेत.