Beed News: विकासकामांपेक्षा विमानतळाची चिंता; जिल्ह्याच्या आराखड्यातील ५७५ कोटींची मात्र प्रतीक्षा

बीड : जिल्हा विकासाचा ५७५ कोटी रुपयांचा आराखडा असताना आतापर्यंत केवळ ४० लाख रुपये उपलब्ध झाले आहेत. विशेष म्हणजे हा निधीही चक्क प्रस्तावित विमानतळाच्या जागेच्या पाहणीसाठी आहे..विकासकामांपेक्षा शासनाला विमानतळाची चिंताच अधिक असल्याचे दिसून येत आहे. अशाप्रकारे निधीचा खर्च ही पैशाची उधळपट्टी नाही काय, विमानतळापेक्षा जिल्ह्याला वैद्यकीय महाविद्यालय, इमारतीविना असलेल्या शाळा-अंगणवाड्या महत्त्वाच्या नव्हत्या काय, असा सवालही सजग नागरिकांकडून विचारला जात आहे..उपमुख्यमंत्री अजित पवार यांनी जिल्ह्याच्या पालकमंत्रिपदाचा जबाबदारी स्वीकारल्यानंतर जिल्ह्याला विकासाच्या अपेक्षा आणि कक्षाही रुंदावल्या. विमानतळ, सीट्रीपलआयटी, तारांगण अशा नावीन्यपूर्ण प्रकल्पांसह आरोग्य, रस्ते अशी विकासाच्या मोठ्या प्रकल्पांचे नियोजन करण्यात आले. घोषणेनंतर याचे प्रस्ताव प्रशासन आणि शासन दरबारी तयार झाले. पण, निधीचा काही पत्ता नाही. जिल्हा विकासाचा ५७५ कोटी रुपयांचा आराखडा असताना आतापर्यंत केवळ ४० लाख रुपये उपलब्ध झाले आहेत. या ४० लाख रुपयांचा निधी प्रस्तावित विमानतळ जागेच्या पाहणी (फ्लेक्झिबिलिटी) करण्यासाठी विमानतळ प्राधिकरणाला वर्ग करण्यात येणार आहे..जिल्ह्याच्या वार्षिक आराखड्यात १०० कोटी रुपयांची वाढ होऊन ५७५ कोटींवर आराखडा गेला ही पवारांनी पालकमंत्री पद स्वीकारल्याचा जिल्ह्याच्या दृष्टीने पहिला फायदा झाला. डीपीसी निधी म्हणजे खरेदी, दुरुस्त्या आणि नावीन्यपूर्णमधून ‘ठेकेदारांना कुरण’ ही संकल्पना बंद करून हा निधी प्रत्यक्ष विकास कामांवर खर्च करण्याचेही त्यांनी नियोजन केले. मात्र, वेळेत निधी आला तर नियोजित विकास प्रकल्पांची पुढील प्रक्रीया होऊन भविष्यात या योजना प्रत्यक्षात उतरणे अधिक सोपे होऊ शकते. .बीडजवळ विमानतळ, सीआयआयआयटी सेंटर, तारांगण, जिल्हा रुग्णालय व अधीनस्थ रुग्णालयांना मॉड्युलर ओटी असे अनेक विकास प्रकल्प प्रस्तावित केले आहे. याचे प्रस्तावही तयार झाले मात्र निधीअभावी धुळखात पडून आहेत. समितीच्या बैठकीला दोन महिने होताहेत मात्र यातील केवळ ४० लाख रुपये उपलब्ध झाले आहेत. चार किलोमीटर (पेंडगाव) अंतरावर आहे. यामुळे कोणतेही गाव बाधित होणार नसून कोणताही रस्ता बंद होणार नाही. अपर मुख्य सचिव, विमानचालन (सामान्य प्रशासन विभाग) यांना पाठविलेला हा प्रस्ताव एअरपोर्ट अॅथॉरिटी ऑफ इंडियाला पाठविण्यात आला..शाळाखोल्या, वैद्यकीय महाविद्यालय अधिक गरजेचेदरम्यान, कुठलाही मोठा प्रकल्प जिल्ह्याच्या विकासाला हातभार लावत असतो. मात्र, प्रस्तावित विमानतळामुळे उपलब्ध होणारे दळणवळण (विमानसेवा) जिल्ह्यासाठी किती गरजेची आणि त्याला मूर्तस्वरूप कधी या दोन्ही बाबी संदिग्ध आहेत. २०११ साली विमानतळाबाबतच्या चर्चा प्रस्ताव रूपात येऊन जागा उपलब्धतेला १४ वर्षे लागली. आता याची सर्वच दृष्टीने व्यवहार्यता तपासली जाणार आहे. जिल्ह्यातून विमानाने प्रवास करणाऱ्यांची संख्या पाहता विमानतळ उभारणीनंतर बीडच्या धावपट्टीवरून नियमित विमान उडणे अलीकडच्या काळात तरी अवघड आहे. .त्यामुळे या विमानतळासाठीचा लागणारा खर्च किती व्यवहार्य हा देखील मुद्दा आहे. दरम्यान, आता खरोखर विमानतळ उभारायला आणि धावायला किती वर्षे लागणार हा देखील कळीचा मुद्दा आहे. याच निधीतून उघड्यावरील शाळा व अंगणवाड्यांना खोल्या, आरोग्यासाठी चांगली उपकरणे, महिला सक्षमीकरणासाठी एखादा उद्योग आणि उभारणे अधिक व्यवहार्य ठरु शकेल. केंद्र सरकारने प्रत्येक जिल्ह्याला शासकीय वैद्यकीय महाविद्यालयाचे धोरण जाहीर केले. मात्र, अजित पवार पालकमंत्री असलेला मराठवाड्यातील एकमेव बीड जिल्ह्याचे ठिकाण वैद्यकीय महाविद्यालयाविना आहे. पवारांनी विमानतळाइतके महत्त्व या बाबींनाही देण्याची गरज आहे..Amol Mitkari: ‘भूमिपुत्रांना रोजगार द्या, त्यांचं आयुष्य समृद्ध करा’; आ. अमोल मिटकरी यांची विधान परिषदेत ठाम मागणी.कामखेड्यातील उपलब्ध जागेची चाचपणीदरम्यान, २०११ साली जिल्ह्यात विमानतळ उभारणीची चर्चा आता प्रस्ताव आणि जागा उपलब्धतेपर्यंत आली आहे. परिसरातील कामखेडा येथे उपलब्ध जागेची महाराष्ट्र विमानतळ कंपनी प्री फ्लेक्झिबिलिटी टेस्ट करणार आहे. यासाठी ४० लाख रुपयांचा निधी जिल्हा नियोजन समितीमधून प्रस्तावित केला होता. आता हा उपलब्ध निधी महाराष्ट्र विमानतळ कंपनीला दिला जाणार आहे. दरम्यान, विमानतळासाठी किमान तीन किलोमीटर धावपट्टीसह इतर बाबींना सोईस्कर अशी कामखेडा येथील जमीन यासाठी सुचविण्यात आली. या ठिकाणी शासनाचीच दोनशे एकर जमीन उपलब्ध आहे. तसेच, उर्वरित जमिनी हलक्या स्वरूपाच्या असल्याने भूसंपादनासाठी निधी कमी लागणार आहे. तसेच, सदर ठिकाण हे धुळे -सोलापूर राष्ट्रीय महामार्गापासून केवळ.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.