Beed News
esakal
बीड: जगाच्या एका कोपऱ्यात इराण, इस्राईल आणि अमेरिका यांच्यातील संघर्षाच्या ठिणग्या उडत असताना, त्याचे पडसाद आता आपल्या गाव-खेड्यातील स्वयंपाकघरापर्यंत पोचले आहेत. जागतिक अस्थिरतेमुळे इंधनाचे दर गगनाला भिडले असून शहरी भागात गृहिणींचे बजेट कोलमडले आहे. अनेक हॉटेल्समध्ये महागड्या गॅसऐवजी पुन्हा चुली पेटू लागल्या आहेत.
मात्र, अशा प्रतिकूल काळातही काही शेतकरी कुटुंबांनी महागाईवर मात करण्याचा एक मार्ग शोधला आहे. तळेगावचे प्रगतिशील शेतकरी अशोक घोलप यांनी आपल्या दारात उभारलेला बायोगॅस प्रकल्प आज संपूर्ण जिल्ह्यासाठी एक नवी दिशा ठरत आहे.