लातूर : दोनच आठवड्यापूर्वी साखरपुडा झालेली मुलगी आपल्या होणाऱ्या नवऱ्याचा वाढदिवस साजरा करण्यासाठी अहमदपूर-लातूर एसटी बसने लातूरला येत होती. पण, बस उलटल्याने मुलीला आपला एक हातच गमवावा लागला..ही घटना समजताच विलासराव देशमुख शासकीय वैद्यकीय महाविद्यालयात तिच्या आईने अक्षरश: हंबरडा फोडला. हे चित्र पाहताना जमलेल्या गर्दीतील प्रत्येकाचे मन हेलावून टाकणारे होते..प्रीती दौलतराव कानवटे (वय २२) असे मुलीचे नाव आहे. ती मूळची तळेगाव येथील आहे. तिचे डीएड, बीएडपर्यंत शिक्षण झाले असून मुख्यमंत्री युवा कार्य कौशल्य विकास प्रशिक्षण योजनेतून तिला काही महिन्यापूर्वीच तळेगाव येथे शिक्षण सहायक पदाची नोकरी मिळाली. १७ फेब्रुवारी रोजी तिचा आणि दिनेश जाधव यांच्याशी साखरपुडा झाला. तळेगाव येथेच वाजत-गाजत हा सोहळा झाला होता..दिनेश यांचा सोमवारी (ता. ३) वाढदिवस असल्याने आपले दैनंदिन कामकाज आटोपून प्रीती लातूरकडे येणाऱ्या एसटी बसमध्ये बसली होती. पण ही बस लातूर-नांदेड या राष्ट्रीय महामार्गावरील नांदगावपाटी येथे उलटल्याने या अपघातात प्रीतीला आपला उजवा हात गमवावा लागला. अपघातात तिचाच तुटून पडल्याचे सांगण्यात आले..Crime News : बिबटया निर्दोष अन खुनातील आरोपी जेरबंद..पुतण्यानेच चुलतीचा खुन केल्याचे उघड.ही घटना समजताच दोन्ही कुटुंबातील सदस्य रुग्णालयात धावत आले. प्रीती यांच्या आईने अक्षरश: हंबरडा फोडला. पुढच्याच महिन्यात दोघांचा विवाह सोहळा आयोजित करण्यात आला आहे. त्याआधीच कोसळलेल्या या दु:खाने दोन्ही कुटुंबियांचे डोळे पाणावले होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
