Prakash SolankeSakal
मराठवाडा
Prakash Solanke : माजलगावला मिळणार मंत्रीपदाची संधी ? पाच वर्षापूर्वीची नाराजी दूर करण्यासाठी प्रकाश सोळंकेंना मंत्रिपद
Maharashtra Politics : महायुती सरकारच्या मंत्रिमंडळ विस्तारात माजलगावच्या प्रकाश सोळंके यांना मंत्रिपदाची संधी मिळण्याची शक्यता आहे. नाराजी दूर करण्यासाठी अजित पवारांनी पुढाकार घेतल्याची चर्चा आहे.
माजलगाव : नुकत्याच झालेल्या विधानसभा निवडणुकीत घवघवीत यश संपादन केलेल्या महायुती सरकारमध्ये मुख्यमंत्रीपदाची माळ देवेंद्र फडणवीस यांच्या गळ्यात पडली. रविवारी (ता. १५) या सरकारच्या मंत्रिमंडळाचा विस्तार होणार असून यात माजलगावला लाल दिव्याची संधी मिळू शकते. पाच वर्षापुर्वी मंत्रिपदासाठी नाराज झालेल्या प्रकाश सोळंकेंना मंत्रिपद देऊन अजित पवार त्यांची नाराजी दूर करणार असल्याची सूत्राची माहिती आहे.