आखाडा बाळापूर ः कळमनुरी तालुक्यातील आखाडा बाळापूर पोलिस ठाण्यांतर्गत येणाऱ्या कवडी येथे शेतातील विहिरीवर गाय-वासरासाठी पाणी शेंदून आणण्यासाठी गेलेल्या एका युवतीचा पाणी काढत असताना विहिरीत पाय घसरून पडल्याने बुडून मृत्यू झाल्याची घटना सोमवारी (ता. तीन) घडली आहे.
याबाबत पोलिसांनी दिलेल्या माहितीनुसार, कळमनुरी तालुक्यातील आखाडा बाळापूर पोलिस ठाण्यांतर्गत येत असलेल्या संगीता शेषराव पतंगे (वय १९, रा. कवडी) या युवतीने सोमवारी सकाळी साडेआठ ते दहाच्या सुमारास बळिराम चव्हाण यांच्या शेतातील विहिरीवर आपल्या गाय - वासरासाठी पाणी आणण्यासाठी विहिरीवर गेली असता पाणी काढत असताना त्या युवतीचा पाय घसरल्याने पाण्यात पडून तिचा मृत्यू झाला.
हेही वाचा - शेतकऱ्यांना मिळाला ‘बटाटा’ लागवडीतून आधार
पोलिसांनी घटनास्थळी येऊन पंचनामा केला
घरच्यांनी संगीता कुठे गेली म्हणून शोध घेतला असता ती कुठेही सापडली नाही. अखेर विहिरीजवळ आले असता ती पाण्यात पडल्याचे लक्षात येताच किशन पतंगे यांनी या घटनेची माहिती पोलिसांना कळविली. त्यानंतर पोलिसांनी घटनास्थळी येऊन पंचनामा केला. त्यांनतर आखाडा बाळापूर पोलिस ठाण्यात आकस्मित मृत्यूची नोंद घेण्यात आली. तपास पोलिस करीत आहेत.
कळमनुरीत वीज रोहित्रातील ऑईलची चोरी
कळमनुरी ः शहरानजिक असलेल्या साईनगर परिसरातील वीज रोहित्रामधील ३० हजार रुपये किमतीचे चारशे लिटर ऑईल रविवारी (ता. दोन) रात्रीच्या वेळी चोरून नेल्याची घटना घडली आहे. याप्रकरणी कळमनुरी पोलिस ठाण्यात तक्रार दाखल करण्याची प्रक्रिया सुरू होती.
या बाबत सूत्रांनी दिलेल्या माहितीप्रमाणे, शहरालगत असलेल्या साईनगर भागांमधील वीज वितरण कंपनीच्या रोहित्रामधील ऑईलटँकचा कॉक तोडून चोरट्यांनी रोहित्रामधील चारशे लिटर ऑईलची चोरी केली. विशेष म्हणजे याच रोहित्रावरून मागील तीन महिन्यांत तीन वेळा ऑईल चोरी झाल्याचा प्रकार घडला आहे. या चोरी प्रकरणांमध्ये कळमनुरी पोलिस ठाण्यात गुन्हे दाखल झालेले आहेत. असे असतानाही याच रोहित्रावरून काल रात्री चौथ्यांदा ऑईल चोरी झाले आहे.
हेही वाचा - ढगाळ वातावरणाने वाढली शेतकऱ्यांमध्ये चिंता
कळमनुरी पोलिस ठाण्यात तक्रार
रोहित्रामधील ऑईल चोरी करणारे चोरटे सराईत गुन्हेगार असून रोहित्रावरून वीजपुरवठा सुरू असतानाही ऑईल चोरी होण्याच्या घटनेमुळे खळबळ उडाली आहे. वीज रोहित्रामधील ऑईल चोरीच्या घटनांना आळा घालण्यासाठी वीज वितरण कंपनीने प्रयत्न चालविले आहेत. दरम्यान, या प्रकरणी वीज वितरण कंपनीचे सहायक अभियंता बी. व्ही. पाटील यांनी कळमनुरी पोलिस ठाण्यात तक्रार दिली असून गुन्हा दाखल करण्याची प्रक्रिया सुरू असल्याची माहिती सूत्रांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.