Dhule-Solapur Highway: रजापूर उड्डाण पुलाखाली सिमेंट मिक्सर अडकला; दोन तास वाहतूक ठप्प

आडूळ : धुळे–सोलापूर राष्ट्रीय महामार्गावरील रजापूर-घारेगाव रस्त्यावरील उड्डाण पुलाखाली रविवारी (ता.१७) सिमेंट काँक्रीट मिक्सरचा ट्रक अडकल्याने तब्बल दोन तास वाहतूक कोंडी निर्माण झाली. पुलाची उंची कमी असल्याने ट्रक बाहेर काढण्यासाठी ग्रामस्थांना मोठी कसरत करावी लागली. यावेळी एका शेतकऱ्याचे चिंचेचे झाडही मोडले.