छत्रपती संभाजीनगर : शहरातील अट्टल घरफोडीतील दोन आरोपींच्या मुलांनीही गुन्हेगारीचा मार्ग स्वीकारला आहे. घरफोड्या वडिलांची गुन्हेगारी पार्श्‍वभूमी पाहिली अन् ते दोघेही गुन्हेगारीच्या मार्गाला लागले आणि एक एक करत तब्बल सात दुचाकी चोरल्या. सुमित सुरेश उघडे (१९, रा. राजनगर, सम्यक बुद्धविहाराजवळ) आणि राज गमतीदास काळे (वय २०, रा. राजनगर, मुकुंदवाडी) अशी त्या दोघा आरोपींची नावे आहेत. दोघांना मुकुंदवाडी पोलिसांनी सोमवारी (ता. सात) अटक केली.