चिकलठाणा - ई-कॉमर्स आणि मॉलमुळे जसे पारंपरिक विक्रेते हैराण आहेत, त्याचप्रमाणे औषधी विक्रेते व रिटेलर (किरकोळ विक्रेता) यांनाही चांगलाच फटका बसत असल्याचे समोर आले. त्यामुळे शहरातील पाच ठोक विक्रेत्यांनी एकत्र येत अन्य ठोक व रिटेलरसाठी चिकलठाणा परिसरात मेडीकल मॉल सुरू केला आहे. त्यामुळे विक्रेत्यांना ९४ प्रकारच्या कंपन्यांची औषध एकाच ठिकाणी मिळत आहे. शिवाय वर्षभरात व्यवहारात दीडपड वाढली झाली.
शहरातील ग्राहकांना ई-कॉमर्स आणि मॉलमध्ये मिळत असलेल्या सुविधांमुळे दिवसाला १०० कोटी रुपयांचा फटका बसत असल्याचे दिसून आले.
व्यापाऱ्यांनी एकत्र येऊन ग्राहकांना सुविधा मिळण्यासाठी मॉलप्रमाणे सुविधा व एकाच ठिकाणी साहित्य उपलब्ध करून दिल्यास अधिक लाभ होऊ शकतो, त्यासाठी काही व्यापाऱ्यांनी नियोजनही केले आहे. त्यापूर्वीच शहारातील पाच मेडिकल व्यावसायिकांनी एकत्र येत मेडिकल मॉलच उभारला.
‘फार्मीन्सट ट्रेडलिंक’ या नावाने हा मॉल सागर पाटील, किरण जोशी, राजेश गुजराती, निखील सारडा, शैलेश झंवर आणि संदीप ताठे यांनी एकत्र येत सुरु केला आहे. यात शासनाने निश्चित करून दिलेल्या किमतीच्याच औषधांची विक्री केवळ ठोक किंवा किरकोळ विक्रेत्यांना विक्री करण्यात येते. त्यामुळे सामान्य मेडिकल विक्रेत्यांना त्याचा चांगला लाभ मिळत आहे.
एकाच ठिकाणी ९४ प्रकारच्या औषधी
एकाच ठिकाणी ९४ प्रकारच्या विविध कंपन्यांचे मेडिसिन येथे मिळत असल्याने मेडिकल चालक व किरकोळ विक्रेत्यांना ब्रँडेड कंपनीची उत्पादने एकाच ठिकाणी मिळत आहेत. त्यासाठी त्यांना चार ठिकाणी फिरण्याची गरज नाही. त्याच बरोबर एकाच नावाखाली औषधी मागवण्यात येत असल्याने जास्त औषधी कमी दरात मिळत आहे. त्याचा लाभ मॉल चालकांना काही प्रमाणात होत आहे.
शासनाने ठरवून दिलेल्या निश्चित दरातच आम्हाला औषधांची विक्री करावी लागते. त्यामुळे यात नफा मिळतोच. पण, ई-कॉमर्सचा फटका सर्वांनाच कमी-जास्त प्रमाणात बसत आहे. मेडिकल क्षेत्राऐवजी अन्य क्षेत्रात तसा बदल झाल्यास थेट ग्राहकांना त्याचा लाभ मिळू शकेल. तसेच, मॉल चालकांना त्याचा फायदा होईल.
- निखिल सारडा, मेडिकल मॉल चालक.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.