बीड - सरपंचाचे अपहरण करुन खुन, व्यापाऱ्याचे खंडणीसाठी अपहरण, पवनचक्की व्यवस्थापकाला दोन कोटी रुपयांची खंडणीची मागणी अशा गंभीर घटनानंतर आता बीडमध्ये सिनेस्टाईल गोळीबाराची घटना शहरात समोर आली आहे..जुन्या वादात बदनामी झाल्याच्या रागातून आठवले गॅंगने शुक्रवारी (ता. १३) मध्यरात्री दोन वाजता घरात घुसून गोळीबार केला. यामध्ये एक तरुण गंभीर जखमी झाला असून उपचारासाठी छत्रपती संभाजीनगर येथे तातडीने हलविण्यात आले आहे.विश्वास दादाराव डोंगरे (वय-४१, रा. इमामापुर रोड, बीड) असे जखमीचे नाव आहे. अक्षय शामराव आठवले, सनी शामराव आठवले, आशिष शामराव आठवले, मनीष क्षीरसागर, प्रसाद मोतीराम धिवार तसेच ओमकार पवार यांच्यावर गुन्हा नोंद करण्यात आला..अभिषेक विश्वास डोंगरे यांनी याबाबत दिलेल्या फिर्यादीत म्हटले आहे, मागील भांडणाचा राग मनात धरुन जिवे मारण्याचा कट रचून जिवे मारण्याच्या उद्देशाने पिस्टलने गोळीबार करण्यात आला. दरम्यान डोंगरे व आठवले यांच्यात जुना वाद आहे. यापूर्वी दोन गटात मारहाणीची घटना घडली होती. याप्रकरणी परस्पर तक्रारीवरून पेठ बीड पोलीस ठाण्यात गुन्हाही दाखल आहे..विश्वास डोंगरे हे गंभीर जखमी झाले असून त्यांच्यावर छत्रपती संभाजी नगरला उपचार सुरु आहेत. दरम्यान, घटनेचे गांभीर्य ओळखून पोलीस अधीक्षक अविनाश बारगळ घटनेनंतर तत्काळ पेठ बीड पोलिस ठाण्यात पोचले. तत्काळ गुन्हा नोंद करुन आरोपीच्या अटकेचे आदेश दिले. त्यानुसार पेठबीड पोलीस ठाण्यातील पथकाने संभाजीनगरला जाऊन जखमीचा जबाब घेतला..तपास पेठ बीड पोलीस ठाण्याचे निरीक्षक अशोक मोदीराज करत आहेत. यातील प्रसाद धिवार यास पोलिसांनी ताब्यात घेतले.दरवाजाच्या लाकडांत फसल्या बुलेटदरम्यान, गावठी पिस्तुलातून गोळीबार करण्यात आला. १० पेक्षा अधिक राऊंड फायर करण्यात आले आहेत. घराच्या दरवाजाच्या लाकडांमध्येही काही बुलेट फसल्या..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
