छत्रपती संभाजीनगर, ता. १७ : राज्य सरकार मराठवाड्यातील जनतेच्या कायम पाठीशी असून, दुष्काळग्रस्त मराठवाडा हा लागलेला कलंक पुसून टाकण्यासाठी गतवर्षी छत्रपती संभाजीनगरात मंत्रिमंडळ बैठक घेण्यात आली होती. त्यात ४५ हजार कोटींच्या कामांची घोषणा करण्यात आली होती. आत्तापर्यंत सुमारे २९ हजार कोटींची कामे मार्गी लागली आहेत, असा दावा मुख्यमंत्री एकनाथ शिंदे यांनी मंगळवारी (ता. १७) केला.
