Bike Accident: स्पर्धा परीक्षेची तयारी करणाऱ्या तरुणाचा अपघाती मृत्यू

किनगाव (ता. अहमदपूर) : स्पर्धा परीक्षेची तयारी करणाऱ्या तरुणाचा कोकणातील अपघातात मृत्यू झाल्याची घटना रविवारी (ता. १३) घडली. महेश रमेश गुट्टे (वय २३) असे त्याचे नाव आहे..येथील हार्डवेअरचे व्यापारी रमेश शंकरराव गुट्टे यांचा एकुलता मुलगा महेश दीड वर्षापासून छत्रपती संभाजीनगर येथील एका आकादमीमध्ये स्पर्धा परीक्षेची तयारी करीत होता. मित्रांसोबत तो चारचाकी वाहनातून शनिवारी (ता. १२) कोकणात फिरायला गेला होता..एका मित्राने सोबत स्पोर्ट बाइकही घेतली होती. पुणे जिल्ह्यातील मुळशी आणि रायगड जिल्ह्यातील माणगावला जोडणाऱ्या ताम्हिणी घाटातील निसर्ग सौंदर्य मोबाइल कॅमेऱ्यात टिपण्यासाठी महेश स्पोर्ट बाइकवरून जात होता..या घाटात दुचाकीला अपघात झाला. त्यात महेश गंभीर जखमी झाला. स्थानिक पातळीवर प्रथमोपचार करून त्याला अंबाजोगाई येथील स्वामी रामानंद तीर्थ रुग्णालयात दाखल करण्यात आले होते..Heart Health: अतिरिक्त मीठ सेवनाने विकारांचा वाढता धोका; उच्च रक्तदाब, हृदयरोग, मूत्रपिंड विकारांची जोखीम .तेथे उपचारादरम्यान आज त्याचा मृत्यू झाला. महेशच्या निधनाची वार्ता समजाताच किनगाव येथील व्यापाऱ्यांनी दिवसभर दुकाने बंद ठेवली होती. त्याचे मूळ गाव असलेल्या देवकरा (ता. अहमदपूर) येथेही शोककळा पसरली. तेथील सार्वजनिक स्मशानभूमीमध्ये सायंकाळी त्याच्या पार्थिवावर अंत्यसंस्कार करण्यात आले. त्याच्या मागे आई-वडील, दोन बहिणी असा परिवार आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.