Agricultural Crime: Copper Thieves Target Fifteen Farms in Adul Grid Across Paithan
Sakal
आडूळ : पैठण तालुक्यातील आडूळ खुर्द व आडूळ बुद्रक परिसरात चोरट्यांनी तांबा चोरीचा नवा फंडा अवलंबत शेतकऱ्यांच्या विहिरीतील विद्युत मोटारी व सौर ऊर्जा पंपांच्या केबल वायर कापून त्यातील तांब्याच्या तारा चोरून नेल्याच्या घटना घडल्या आहेत. शनिवारी (ता. १६) व रविवारी (ता. १७) या दोन दिवसांत तब्बल १५ शेतकऱ्यांच्या शेतात चोरी झाल्याने परिसरातील शेतकरी भयभीत झाले असून शेतातच मुक्काम करण्याची वेळ त्यांच्यावर आली आहे.
