हिंगोली ः जिल्ह्यातील केंद्रा खूर्द येथील रहिवासी असलेल्या २१ वर्षीय तरुणीचा कोरोनाच्या आजारामुळे उपचारादरम्यान अकोला येथील शासकीय वैद्यकीय संस्था येथे बुधवारी (ता.२४) मृत्यू झाला. दरम्यान, सदरिल तरुणीला मधूमेह असल्याने सुरवातीला वाशिम येथे व नंतर अकोला येथे उपचारासाठी दाखल केले होते. याबाबत जिल्हा प्रशासन हिंगोलीच्या वतीने गुरुवारी (ता.२५) रात्री साडेआठ वाजता जिल्हा शल्यचिकित्सक डॉ. किशोरप्रसाद श्रीबास यांनी प्रेसनोट काढून माहिती दिली. दरम्यान, या रुग्णाची नोंद आकडेवारीत जिल्हा प्रशासनाकडे नाही. मात्र, जिल्ह्यातील रुग्ण असल्यामुळे याची माहिती अहवालात देण्यात आली.
बुधवारी आले होते तीन रुग्ण
जिल्ह्यात बुधवारी (ता.२४) रात्री साडेआठ वाजता आलेल्या अहवालात तीन रुग्ण वाढले आहेत. यामध्ये एक १८ वर्षीय तरुण, तर अन्य दोन महिला असून ज्यांची वय १८, ५५ आहेत. १८ वर्षीय तरुण हिंगोलीतील तलाबकट्टा येथील रहिवासी असून तो निलंगा (जि.लातूर) येथून आला आहे. तर दोन्ही महिला मुंबईहून हिंगोलीत परतल्या आहेत. त्या दोघीही मुळच्या हिंगोलीतील रहिवासी आहेत. तसेच दिवसभरात पाच रुग्ण कोरोनामुक्त झाल्याची माहिती जिल्हा शल्यचिकित्सक डॉ. किशोरप्रसाद श्रीबास यांनी दिली.
बुधवारी पाच जण कोरोनामुक्त
आयसोलेशन वॉर्ड जिल्हा रुग्णालय हिंगोली येथील तीन तर वसमत येथील एक आणि एसआरपीएफचा एक जवान असे पाच जण बुधवारी (ता.२४) कोरोनामुक्त झाले आहेत. त्यांना सुट्टी देण्यात आली. सध्या जिल्ह्यात एकूण पॉझिटिव्ह रुग्ण संख्या २५१ झाली आहे तर २२९ रुग्ण बरे झाल्यामुळे त्यांना घरी सोडण्यात आले. सध्या २२ रुग्णांवर उपचार सुरु असल्याची माहिती प्रशासनाने दिली. जिल्ह्यातील नागरिकांनी अफवांवर विश्वास ठेवू नये, तसेच विनाकारण घराबाहेर फिरु नये असे आवाहन जिल्हा प्रशासनातर्फे करण्यात आले आहे.
हिंगोली जिल्हा कोरोना मीटर
एकूण पॉझिटिव्ह - २५१
उपचार सुरु - २२
उपचार घेत घरी परतलेले - २२९
मृत्यू - शून्य
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
