Cotton: हमीभाव खरेदीअभावी कापूस कोंडी, जिल्ह्यातील शेतकऱ्यांवर कमी किमतीत कापूस विकण्याची वेळ

बीड : जिल्ह्यात खरीप हंगामात सोयाबीन पिकानंतर कापसाचा पेरा सर्वाधिक झालेला आहे. परंतु, कापूस पणन महासंघाकडून अद्याप एकही खरेदी केंद्र सुरू करण्यात आले नसल्याने अनेक नैसर्गिक अडथळ्यांचा सामना करत हाती आलेल्या कापसाला कमी दराने विक्री करण्याची वेळ शेतकऱ्यांवर आली आहे. .Crackdown Garbage Burning : कचरा उचलण्यापेक्षा पेटविण्यावर पालिकेचा जोर, धुरामुळे नागरिकांचे आरोग्य धोक्यात .खासगी बाजारात हमीभावापेक्षा कमी दर मिळत असून, अनेक ठिकाणी खासगी खरेदीत शेतकऱ्यांची लूट सुरू आहे. त्यामुळे शेतकऱ्यांची कापूस कोंडी होताना दिसत आहे.शासनाने कापसाची हमीभाव यंदा ७ हजार ५२१ रुपये प्रतिक्विंटल इतका जाहीर केला. मात्र, प्रत्यक्षात जेव्हा शेतकरी कापूस विक्रीसाठी नेत आहे, त्यावेळेस त्यांना साडेसहा ते सात हजार रुपये क्विंटलने विक्री करावी लागत आहे. त्यामुळे कापसाला हमीभावापेक्षा कमी दर मिळत असल्याने शेतकरी आर्थिक संकटात सापडला आहे..जिल्ह्यात कापूस पणन महासंघाचे प्रतिवर्षी ३० ते ३५ खरेदी केंद्र सुरू करण्यात येत असतात. यंदा जवळपास ३ लाख ९२ हजार क्विंटल कापसाची खरेदी होणे अपेक्षित आहे. परंतु, नोव्हेंबर महिना संपला तरी अद्याप एकही केंद्र सुरू नाही. सीसीआयमार्फत १४ केंद्र सुरू करण्यात येणार आहेत. परंतु, अद्याप केवळ गेवराई, केज आणि बीड तालुक्यात तीन केंद्र सुरू करण्यात आले आहेत. यातही शेतकऱ्यांचा कापूस खरेदी करताना अनेक अटी घालण्यात आलेल्या आहेत. यामध्ये ओलावा जास्त असल्याचे कारण देऊन भावात कपात करण्यात येत आहे. शेतकऱ्यांना मिळणारा हा दर लागवड खर्चाच्या तुलनेत ही कमी असल्याने किमान नऊ ते दहा हजार रुपये प्रती क्विंटल दर शासनाने द्यावा, अशी मागणी शेतकरी वर्गाकडून होत आहे..पणन महासंघाला खरेदी केंद्र सुरू करण्यात अडचणीजिल्ह्यात कापूस पणन महासंघा कडून खरेदी सुरू करण्यास मोठ्या अडचणींचा सामना करावा लागत आहे. २०२१-२२ मधील खरेदी केलेल्या कापसाचे १०० कोटी देय महासंघाला अद्याप प्राप्त झालेले नाहीत. यासह बँकेकडून कर्ज घेण्यासाठी शासनाची हमी देखील मिळाली नसल्याने खरेदी केंद्र सुरू करण्यास अडचणी येत असल्याचे सांगण्यात येत आहे. तसेच राज्यात कापूस खरेदी नफेड सीसीआय करते. परंतु सीसीआयकडून देखील कापूस पणन महासंघाला खरेदी केंद्र सुरू करण्याबाबत परवानगी देण्यात आलेली नाही. त्यामुळे शेतकऱ्यांची कोंडी होत आहे..Inspection water sources : जलस्रोतांची तपासणी होणार आता गावातच तपासणी.कापूस खरेदी करताना शासनाने सतर्कता दाखवून कापूस पणन महासंघाला प्राधान्य द्यावे जेणे करून सामान्य शेतकाऱ्याने उत्पादित केलेला कापूस विक्री करण्यासाठी मदत होईल.- ॲड. विष्णुपंत सोळंके, संचालक, महाराष्ट्र राज्य कापूस पणन महामंडळ..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Cotton: हमीभाव खरेदीअभावी कापूस कोंडी, जिल्ह्यातील शेतकऱ्यांवर कमी किमतीत कापूस विकण्याची वेळ

Related Stories