उस्मानाबाद : विविध शस्त्र बाळगणाऱ्या तिघा जणांविरुद्ध रविवारी गुन्हा दाखल

तुळजापूर : शहरातील डुल्या मारूती मंदिराजवळ विविध शस्त्र बाळगणाऱ्या तिघा जणांविरुद्ध रविवारी (ता.24) गुन्हा दाखल करण्यात आला आहे. पोलीसांनी सांगितले की, आरोपींचे नावे पुढीलप्रमाणे आहेत. जीतसिंग राजपालसिंग टाक (वय 26) राहणार हडपसर वैधवाडी पुणे, लकीसिंग गब्बरसिंग टाक ( वय 20) राहणार येवत इंदिरानगर झोपडपट्टी टेकडीवर तालुका दौंड जिल्हा पुणे, तिसरा अज्ञान असून तो हडपसर भागातील आहे. यासंदर्भात पोलीसांनी सांगितले की, तिघेही वेगवेगळ्या गुन्ह्यातील गुन्हेगार आहेत. तिघेही गुन्हे करण्याच्या उद्देशाने फिरत असताना स्कॉर्पिओ सह डुल्या मारूती मंदिराजवळ आज (ता. 24 ) दुपारी दिड वाजण्याच्या सुमारास आले होते.

गजगा रंगाची स्कॉर्पिओ एमएच 14 बीएक्स 9764 हि चोरून आणली होती. तसेच एक लोखंडी तलवार तसेच एक कोकरी तसेच लोखंडी कोकरी वजा किरपान तसेच दोन कट्यावन्या आदीसह बाबी जप्त करण्यात आल्या आहेत. यासंदर्भात सचिन सोमनाथ राऊत यांच्या फिर्यादीनुसार तिघाजणांविरूद्ध गुन्हा दाखल करण्यात आला आहे. सहायक पोलीस निरीक्षक श्री कांबळे तपास करीत आहेत. घटनास्थळी उमरगा येथील उपविभागीय पोलीस अधिकारी श्री बरकते, पोलीस निरीक्षक आदिनाथ काशीद यांनी भेट दिली आहे.