Crime news : जालन्यात तीन हातभट्ट्या उद्ध्वस्त

जालना : शहरात सुरू असलेल्या तीन हातभट्ट्यांवर स्थानिक गुन्हे शाखेने रविवारी (ता. २३) पहाटे छापा टाकून उद्ध्वस्त केल्या आहेत. शिवाय चार लाख आठ हजार ५०० रुपयांची गावठी दारू आणि रसायन नष्ट केले आहे. या प्रकरणी तीन महिलांवर गुन्हे दाखल करण्यात आले आहेत.

जालना शहर उद्योग आणि व्यापारी नागरी म्हणून सर्वत्र परिचित आहे. मात्र, याच शहर वर्षानुवर्ष गावठी दारू ही तयार करणाऱ्या हातभट्टीच्या चुली बारा महिने सुरू असतात. त्या पोलिस ठाण्यातील अधिकारी आणि बीट अंमलदार या हातभट्ट्यांवर कारवाई करताना दिसत नाही. विशेष म्हणजे शहरातील विशिष्ट भागात गावठी दारू निर्मितीचे गुत्ते सुरू असतात. दरम्यान, कैकाडी मोहल्ला येथील तीन गुत्त्यावर रविवारी पहाटे पाच वाजता स्थानिक गुन्हे शाखेच्या पथकाने छापे टाकले.

यावेळी तीन हातभट्ट्यांवर गावठी दारू तयार करताना तीन महिलांना स्थानिक गुन्हे शाखेने ताब्यात घेतले. शिवाय त्यांचे ताब्यात चार लाख आठ हजार ५०० रुपयांची गावठी दारू व सडके रसायन ही मिळून आले. ही गावठी दारू आणि रसायन पंचासमक्ष जागेवर नष्ट करण्यात आला आहे. या प्रकरणी ताब्यात घेतलेल्या तीन महिलांविरुद्ध कदीम जालना पोलिस ठाण्यात गुन्हे दाखल करण्यात आले आहे.

ही कारवाई वरिष्ठांच्या मार्गदर्शनाखाली स्थानिक गुन्हे शाखेचे पोलिस निरीक्षक सुभाष भुजंग, पोलिस उपनिरीक्षक प्रमोद बोंडले, अंमलदार सॅम्युअल कांबळे, भाऊराव गायके, फुलचंद हजारे, संजय मगरे, विनोद गडधे, जगदीश बावणे, रुस्तुम जैवाळ, कृष्णा तंगे, प्रशांत लोखंडे, सचिन चौधरी, देविदास भोजने, परमेश्वर धुमाळ, किशोर पुंगळे, भागवत खरात, कैलास चेके, सचिन राऊत, योगेश सहाने, धीरज भोसले, रमेश पैठणे, महिला अंमलदार रेणुका बांडे, अरुणा गायकवाड यांनी केली आहे.