Crime News : पतीनेच केला पत्नीचा खून; घटनेनंतर स्वतः हून पती पोलीस ठाण्यात दाखल

केज : पतीनेच पत्नीच्या गळ्यावर कुऱ्हाडीचा वार करून खून केल्याची घटना मंगळवार (ता.०७) रोजी दुपारी साडेतीन वाजण्याच्या सुमारास घडल्याचे ढाकेफळ येथील चौसा वस्तीवर उघडकीस आले.

घटनेनंतर महिलेचा पती पोलीसात जाऊन स्वतः पोलीसांच्या दाखल झाला. घटनेची माहिती मिळताच अतिरिक्त पोलीस अधिक्षक पंकज कुमावत यांनी घटनास्थाळास भेट दिली. मृत्यू झालेल्या महिलेचे नाव आरती भगवान थोरात (वय-२७) असे आहे.

तालुक्यातील ढाकेफळ येथील चौसा वस्तीवरील भगवान शाहूराव थोरात याने आपली पत्नी आरती थोरात हीच्या गळ्यावर धारदार कुऱ्हाडीने वार करून ठार केल्याची घटना मंगळवारी दुपारी साडेतीन वाजण्याच्या सुमारास उघडकीस आली.

घटनेनंतर पती भगवान थोरात याने स्वतः‌ युसुफवडगाव पोलीस ठाण्यात जाऊन घटनेची माहिती दिली. घटनेचे गांभीर्य ओळखून पोलीसांनी त्यास ताब्यात घेतले आहे. या घटनेची माहिती मिळताच अतिरिक्त पोलीस अधिक्षक पंकज कुमावत यांनी घटनास्थळास भेट दिली. मात्र पतीने आपल्या पत्नीचा खून करण्याचे कारण अद्यापही समजू शकले नव्हते. मात्र त्याने पत्नीचा खून करण्याचे टोकाचे पाऊल का उचलले? हे पोलीस तपासात स्पष्ट होणार आहे.