वसमत - वसमत तालुक्यातील गुंडा पाटीजवळ भरधाव क्रूझर जीप दुचाकीला धडकून झाडावर आदळून झालेल्या अपघातात दुचाकीवरील एक जण ठार तर पाच जण गंभीर जखमी झाल्याची घटना बुधवारी ता. २३ सायंकाळी घडली आहे. जखमींना परभणी येथील खाजगी रुग्णालयात हलविण्यात आले आहे..पोलिसांनी दिलेल्या माहितीनुसार, हिंगोली तालुक्यातील डिग्रस कऱ्हाळे येथील काही वारकरी आज दुपारच्या सुमारास क्रूझर जीपने पंढरपूरकडे निघाले होते. त्यांची जीप वसमत तालुक्यातील गुंडा पाटील जवळ आली असतांना समोर धावणाऱ्या दुचाकीला जीपने धडक दिली..या अपघातानंतर चालकाचे वाहनावरील नियंत्रण सुटले अन जीप थेट रस्त्याच्या खाली असलेल्या लिंबाच्या झाडावर जाऊन आदळळी.या अपघातात दुचाकीवरील विठ्ठल सावंत ३७, रा. बोरीसावंत ,तालुका वसमत यांचा मृत्यू झाला..तर जीप झाडावर आदळल्यामुळे जीप चालक भागवत घोंगडे यांच्यासह जीपमधील सुभाष शेळके, प्रमोद कऱ्हाळे, ज्ञानबा कऱ्हाळे, बंडू शेळके हे गंभीर जखमी झाले आहेत. या अपघाताची माहिती मिळताच हट्टा पोलिस ठाण्याचे सहाय्यक पोलिस निरीक्षक संग्राम जाधव, जमादार प्रफुल्ल आडे, हिरामण चव्हाण यांच्या पथकाने घटनास्थळी धाव घेतली..पोलिसांनी गावकऱ्यांच्या मदतीने जीपमधे अडकलेल्या भाविकांना बाहेर काढून उपचारासाठी परभणी येथे रवाना केले आहे.दरम्यान, या अपघातातील मयत विठ्ठल सावंत यांचा मृतदेह उत्तरीय तपासणीसाठी हट्टा येथील प्राथमिक आरोग्य केंद्रात दाखल केला आहे..मयत विठ्ठल हे बाराशिव येथील एका इंग्रजी शाळेवर शिक्षक म्हणून काम करतात. शाळा सुटल्यानंतर ते दुचाकी वाहनाने बाराशिव येथून बोरीसावंत येथे गावाकडे निघाले होते. यावेळी हा अपघात झाला. या घटनेमुळे बोरीसावंत गावावर शोककळा पसरली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
