Sillod Accident : क्रुझर जीप दुभाजकाला धडकून झाली पलटी; चालक ठार, तर दहा जण गंभीर जखमी

देवदर्शन आटोपून गावाकडे निघालेल्या भाविकांच्या क्रुझर जीपचा भीषण अपघात.
Cruiser Jeep overturn
Cruiser Jeep overturnsakal
Updated on

सिल्लोड - देवदर्शन आटोपून गावाकडे निघालेल्या भाविकांच्या क्रुझर जीपचा भीषण अपघात होऊन दुर्घटनेत जीपचा चालक ठार, तर जीपमधील दहा जण गंभीर जखमी झाल्याची घटना गुरूवार (ता.20) रोजी सकाळी अडीच ते तीन वाजेच्या सुमारास घडली.

छत्रपती संभाजीनगर ते जळगाव राष्ट्रीय महामार्गावरील निल्लोड फाट्यावर घडलेल्या अपघातामधील सर्व जण मध्यप्रदेश मधील बऱ्हाणपूर जिल्ह्यातील असून, मिळालेल्या माहितीनुसार जीपचा स्टेअरिंग रॉड तुटल्यामुळे चालकाचे नियंत्रण सुटून भरधाव क्रुझर जीप क्रमांक एमपी. 68 झेड डी 3027 रस्त्यामधील सिमेंटच्या डिव्हायडरला धडकून पलटी झाली.

यामध्ये जीपचा चालक नारायण खेडकर (वय-50, रा. निमगाव, बऱ्हाणपुर) यांचा जागीच मृत्यू झाला. तर जीपमधील दहा जण गंभीर जखमी झाले. मढी येथिल कानिफनाथ महाराजांच्या दर्शनाहून हे भाविक त्यांचे गावी मध्यप्रदेशकडे निघाले होते. त्यांचे सोबत चार ते पाच वाहने होती. अपघातानंतर जखमींना तातडीने सिल्लोड येथिल उपजिल्हा रूग्णालयात दाखल करण्यात आले. येथे प्राथमिक उपचार करून दहा जणांना पुढील उपचारासाठी रेफर करण्यात आले.

अपघातामधील जखमी -

दुर्गा पाटिल (वय-40), अनुष्का धनगर (वय-12) दोघी रा. अतूनर, सुवर्णा चौधरी (वय-35), रा. शहापूर, विशाल पाटिल (वय-24), रा. शहापूर, योगेश कोल्हे (वय-30), रा. थिरगाव, रूपचंद्र कोल्हे (वय-40), रा. थिरगाव, सोपान महाजन (वय-60), रा. हाथरून, योगेश धनगर (वय-40), रा. हाथरून, तनीषा चौधरी (वय-16), रा. शहापूर, वैष्णवी पाटिल (वय-17), रा. अतनूर, कार्तिक पाटिल (वय-20), रा. अतनूर, जिल्हा बऱ्हाणपूर, मध्यप्रदेश.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Loading content, please wait...

Related Stories

No stories found.
Marathi News Esakal
www.esakal.com