गेवराई - बीडमधील गेवराईच्या कोलतेवाडी ज्ञानेश्वर राजकंवर याच्या वैद्यकीय शिक्षणाची जबाबदारी उपमुख्यमंत्री अजित पवार यांनी घेतल्याने गरिब राजकवर दाम्पत्यांच्या आनंद गगनाला मावेनासा झाला..कोलतेवाडी (ता. गेवराई, जि. बीड) येथील तुकाराम राजकंवर यांचा मुलगा ज्ञानेश्वर हा खानदेशच्या भुसावळातील चैतन्य आयुर्वेदिक महाविद्यालयात बीएएमएसच्या तीस-या वर्षाचे वैद्यकीय शिक्षण घेत आहे. घरची परिस्थितीत हलाखीची असताना ही आई वडिल मोलमजुरी करुन व्याजाच्या पैशातून दोन वर्ष शिक्षण खर्च केला..मात्र, कर्ज खासगी कर्ज आधिकचे होत असल्याने मुलाच्या वैद्यकीय शिक्षणासाठी बँकेत कर्ज प्रस्ताव दाखल केला. परंतू बँकेने स्पष्ट नकार दिल्याने चैतन्य आयुर्वेदिक महाविद्यालयाचे प्राचार्य यांनी शुल्क भरण्यास तगादा लावला. यामुळे मुलगा ज्ञानेश्वर हा जीवन संपविण्याची भाषा करु लागल्याने, हतबल झालेले तुकाराम राजकंवर यांनी थेट गेवराईचे आमदार विजयसिंह पंडित यांची भेट घेऊन कैफियत मांडली..आमदार पंडित यांनी वैद्यकीय शिक्षणासाठी मदत मिळावी यासाठी पत्र दिले. पत्र हाती पडताच तुकाराम राजकंवर व त्यांच्या पत्नी रुक्मीण राजकंवर हे दाम्पत्य तीन दिवसापूर्वी मुंबईत उपमुख्यमंत्री अजित पवार यांच्या भेटीसाठी दाखल झाले.मंत्रालयात गेले या ठिकाणी भेट न झाल्याने काल उपमुख्यमंत्री अजित पवार यांच्या सरकारी निवासस्थानी दाखल झाले. राजकंवर दाम्पत्य यांची अजित पवारांची भेट होताच त्यांच्यासमोर सर्व हकिकत कथन करताच अजित पवार यांनी यापुढील वैद्यकीय शिक्षणाची जबाबदारी घेण्याचे आश्वासन देताच राजकंवर दाम्पत्यांच्या चेहर्यावर आनंद ओसंडला..मुलगा ज्ञानेश्वर याच्या वैद्यकीय शिक्षणाची जबाबदारी घेतल्याने गरिब राजकंवर कुटुंबातील ज्ञानेश्वर याचे डॉक्टर बनण्याचे स्वप्न पूर्ण होणार आहे.आमदार पंडित यांच्यासमोर कैफियत मांडली -घरची परिस्थिती अंत्यसंस्कार नाजूक मोलमजुरी करुनच मुलगा ज्ञानेश्वर याचा शिक्षणाचा खर्च करत होतो. मात्र, आता खासगी कर्ज मिळेना अन् बॅक ही दारात उभी करेना काय करावे सुचत नव्हते, मुलगा ज्ञानेश्वर हा जीवन संपविण्याची भाषा करु लागल्याने मागील काही दिवसापूर्वी आमदार विजयसिंह पंडित यांची भेट घेऊन त्यांच्यासमोर कैफियत मांडली.आमदार विजयसिंह पंडित यांच्या पत्र दिले.यामुळेच आमच्या मुलाचे डॉक्टर बनण्याचे स्वप्न आता साकार होणार आहे असे रुक्मिणी तुकाराम राजकंवर या दाम्पत्याने सांगीतले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
