Dharashiv Sugar Factory : आयकर धाड हे विरोधकांचे षडयंत्र : अभिजीत पाटील | Sakal
sakal

बोलून बातमी शोधा

Dharashiv Sugar Factory

Dharashiv Sugar Factory : आयकर धाड हे विरोधकांचे षडयंत्र : अभिजीत पाटील

खामसवाडी : चोरखळी ता. कळंब येथील धाराशिव शुगरसह अन्य चार ठिकाणी पडलेल्या आयकर धाडीत काहीच सापडले नाही, असे चेअरमन अभिजीत पाटील यांनी सांगितले. गुरुवारी पहाटे पाच वाजता डीव्हीपी ग्रुपचे प्रमुख अभिजीत पाटील यांच्या ताब्यात असलेल्या पाच साखर कारखाने व अन्य ठिकाणी आयकर विभागाच्या वीस अधिकारी व कर्मचाऱ्यांनी धाडी टाकून तीन दिवस चौकशी केली. यात आयकर विभागास अवैध पैसा, सोने काहीच हाती लागले नाही. जी कागदपत्रे उपलब्ध होती त्याची आयकर विभागाने पाहणी केली जी कागदपत्र उपलब्ध नव्हती, ती देण्यास पंधरा दिवसाचा वेळ घेतल्याचे पाटील म्हणाले. विरोधकांचे हे षडयंत्र असल्याचा आरोपही त्यांनी केला.

चोराखळी ता. कळंब येथील धाराशिव शुगर , नाशिक, नांदेड, सांगोला, बीड येथे पाटील यांनी साखर कारखाने घेतले आहेत. त्यातील तीन भाडेतत्वावर असून दोन महिन्यांपूर्वी पंढरपूर येथील विठ्ठल सहकारी साखर कारखाना विरोधकांना धुळ चारीत सभासदांनी पाटील यांच्याकडे सोपवला. यातून पाटील यांचे नाणे खणखणीत असल्याचे त्यांच्या समर्थकांचे म्हणणे आहे.

अभिजीत पाटील यांचा वारू रोखयचा असेल तर षडयंत्र करावे या हेतूने कटकारस्थाने शिजवून रोखण्याचा प्रयत्न केला. त्यातही त्यांचा डाव यशस्वी झाला नाही कारण ज्या संशयावरून आयकरची कार्यवाही झाली त्यात गैरमार्ग कुठेही केला नव्हता. जे कारखाने घेतले ते कर्ज काढून घेतले. त्या कर्जाची नियमीत परतफेड सुरु आहे. धाडीत कुठे अवैध पैसा, सोने सापडले नाही असे अभिजीत पाटील यांनी सांगितले.

Web Title: Dharashiv Sugar Factory Income Tax Department Raid Abhijit Patil

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..