Rural Maharashtra School Success Story Three Dongav ZP School Alumni Achieve Remarkable Success In Government Service Careers
esakal
-हबीबखान पठाण
पाचोड: जिद्द, चिकाटी आणि कठोर परिश्रमांच्या जोरावर ग्रामीण भागातील विद्यार्थीही स्पर्धेच्या युगात मोठे यश संपादन करत असून डोणगाव तांबे (ता.पैठण) येथील जिल्हा परिषद प्राथमिक व माध्यमिक विद्यालयाच्या माजी विद्यार्थ्यांनी हे सिद्ध करून दाखविले आहे. या शाळेच्या माजी विद्यार्थिनी वंदना बाबासाहेब तांबे यांची महसूल सहायकपदी, उज्वला तातेराव तांबे यांची केंद्रीय आयकर विभागात आयकर निरीक्षकपदी, तर दीपक पांडुरंग तांबे यांची मेडिकल रेडिओलॉजी व इमेजिंग टेक्निशियन म्हणून निवड झाली आहे. या तिन्ही गुणवंत माजी विद्यार्थ्यांच्या उल्लेखनीय यशाबद्दल शाळेच्या वतीने त्यांचा रविवारी (ता.२७) भव्य सत्कार करण्यात आला.
