माहूर - तालुक्यातील पाचोंदा शिवारात आज (ता. २०) घडलेल्या दुहेरी हत्याकांडाने परिसरात मोठी खळबळ उडाली आहे. स्वतःच्या शेतात कापूस वेचणीचे काम करत असताना दोन सख्ख्या जावांचा अज्ञात संशयिताने गळा दाबून निर्घृण खून केल्याची धक्कादायक घटना घडली आहे..मृतांमध्ये अंतकलाबाई अशोक अडागळे (वय-५५) व अनुसयाबाई साहेबराव अडागळे (वय-४५) राहणार पाचोंदा यांचा समावेश आहे. दोघीही आज सकाळी आप आपल्या शेतात कापूस वेचण्याकरीता गेल्या होत्या. दोघींचे शेत शेजारीच लागून आहे..सायकाळी ४ वाजताच्या दरम्यान अडागळे शेतात गेले असता त्यांना दोघीही मुत्यू अवस्थेत दिसल्या व दोघीच्याही अंगावरील सोन्याचे दांगीने ल़पास केले होते. अज्ञात व्यक्तीने अचानक हल्ला करून दोघींच्या गळा दाबून हत्या केल्याची प्राथमिक माहिती आहे.घटनास्थळी माहूरचे पोलिस निरीक्षक साहेबराव चोपडे यांनी आपल्या कर्मचारी सह भेट देऊन पाहणी केली..सदर गुन्ह्यामुळे माहूर तालुका हादरला असून, स्थानिक नागरिकांमध्ये विशेषतः शेत शिवारात काम काम करणाऱ्यांमध्ये भीतीचे वातावरण निर्माण झाले आहे. परिसरात असा दुहेरी हत्येचा प्रकार प्रथमच समोर आल्याने ग्रामस्थ हळहळ व्यक्त करत आहेत.ही घटना लूटमारीशी संबंधित आहे की, कोणत्या वैयक्तिक वैमनस्यातून घडली? पुढील तपास माहूर पोलीस करत असल्याची माहिती पोलीस निरीक्षक डी. जे. चोपडे यांनी दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
