जेवळी - डुकरापासून ऊस शेतीच्या संरक्षणासाठी फडाभोवती लावण्यात आलेल्या वीज प्रवाहित तारेला स्पर्श झाल्याने शेतकरी युवकाचा जागीच मृत्यू झाल्याची घटना जेवळी (ता. लोहारा) येथे मंगळवारी (ता. ५) पहाटे घडली आहे..शिवारात रानडुकराचा उपद्रव व दहशत मोठ्या प्रमाणात वाढल्याने शेतकऱ्यांना मोठे नुकसान सहन करावे लागत आहे. डुकराच्या प्रतिबंधासाठी वन विभागाकडे अनेक वेळा तक्रार करूनही दखल घेतली जात नसल्याने शेतकरीच डुकरा पासून पिकाचे संरक्षण व्हावे यासाठी विविध उपाय योजना करीत आहेत..परंतु जेवळी (ता. लोहारा) येथे शेतकऱ्यांने डुकराच्या प्रतिबंधासाठी केलेल्या उपाययोजनेमुळे युवा शेतकऱ्याचे दुर्दैवी मृत्यू झाल्याची घटना घडली आहे. येथील गुणवंत बलभीम कागे (वय-३२) हे शेतकरी युवक अनेक वर्षापासून स्वताची शेती करतात.या आठवड्यात शिवारात रात्री बारा ते सकाळी आठ पर्यंत वीजपुरवठा होत आहे. मंगळवारी (ता. ५) सकाळी पहाटे गुणवंत यांनी आपल्या पिकांना पाणी देण्यासाठी शेतात गेले होते. परंतु शेतात गेल्यानंतर त्यांना वीजपुरवठा खंडित झाल्याचे लक्षात आले, फ्यूज गेले असेल म्हणून तपासण्यासाठी ते ट्रांसफार्मरकडे जात होते..परंतु शेजारील शेतकऱ्यांनी डुकरापासून ऊस शेतीच्या संरक्षणासाठी ऊसाच्या फडाभोवती तारेचे कुंपण लावून त्या कुंपणात वीज प्रवाहित केल्याचे त्यांच्या लक्षात आले नाही. दुर्दैवाने त्याच वेळेस खंडित झालेला वीजपुरवठाही पुन्हा सुरळीत झाले होता.बांधावरून जात असताना विद्युत प्रवाहित असलेल्या त्या कुंपणाच्या तारेला स्पर्श झाल्याने गुणवंत कागे यांचा जागीच मृत्यू झाला. ही बाब साधारण नऊच्या सुमारास संबंधित शेतकरी शेतात आल्यानंतर लक्षात आले..या घटनेची माहिती मिळताच घटनेचे गांभीर्य ओळखून लोहारा पोलीस ठाण्याचे सहाय्यक पोलीस निरीक्षक ज्ञानेश्वर कुकलारे, पोलीस उपनिरीक्षक सचिन केंद्र, बीट अंमलदार कान्तू राठोड, कॉन्स्टेबल विजय घोडके हे घटनास्थळी दाखल झाले. या अपघाताच्या घटनेचा पंचनामा करून पुढील तपास चालू केला असून उशिरापर्यंत गुन्हा दाखल होण्याची प्रक्रिया चालू होती..कष्टाळू गुणवंत कागे या युवा शेतकऱ्याच्या दुर्दैवी मृत्यूनंतर येथे हळहळ व्यक्त होत आहे. हा युवक अविवाहित असून त्यांच्या पश्चात आई, दोन भाऊ असा परिवार आहे. दोन वर्षाखालीच मेंढरे चारत असताना अंगावर वीज पडून त्यांच्या वडिलांचा मृत्यू झाला होता. त्यामुळे आता कुटुंबाची जबाबदारी त्यांच्यावर आली होती..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
