आडूळ - पैठण तालुक्यातील अब्दुल्लापुर तांडा येथुन बुधवारी (ता. १६) रोजी एका शेतकऱ्याचे गोठ्यात बांधलेले दोन बैल चोरट्यांनी सकाळी ९ वाजेच्या सुमारास चोरून नेल्याची घटना घडली आहे. याप्रकरणी पाचोड पोलीस ठाण्यात गुरूवारी रात्री अज्ञात चोरांविरुद्ध गुन्हा दाखल करण्यात आला आहे.
अब्दुल्लापुर तांडा येथील शेतकरी मांगीलाल हुकूम चव्हाण यांची तांड्यालगतच गट क्रं १०० मध्ये शेती असून या शेतात त्यांनी जनावरे बांधण्यासाठी गोठा तयार केला होता. ते बुधवारी सकाळी बैल गोठ्यात बांधून संपुर्ण कुटूंबियांसह शेंद्रा येथील मांगीर बाबाच्या यात्रेसाठी गेले होते.
हि संधी साधून चोरांनी बुधवारी सकाळी ९ वाजेच्या सुमारास गोठ्यात बांधलेले दोन बैलांची जोडी असे एकूण एक लाख तीस हजार रुपये किमतीचे जनावरे खुट्यावरून सोडून लंपास केले.
घटना घडल्यानंतर १० वाजेच्या सुमारास मांगीलाल चव्हाण यांचा पुतण्या काळू संदेश चव्हाण हा जेव्हा शेतात जनावरांना चारा वैरण व पाणी पाजण्यासाठी गेला तेंव्हा त्याला गोठ्यात बांधलेली जनावरे चोरीस गेल्याचे नजरेस पडले.
त्याने तत्काळ मांगीलाल चव्हाण यांना मोबाईलद्वारे याची माहिती दिल्यावर चव्हाण हे घटनास्थळी दाखल झाले. व इतरत्र चोरी गेलेल्या बैलांचा शोध घेतला, परंतु त्यांना ते सापडले नाही. यानंतर त्यांनी सरळ पाचोड पोलीस ठाणे गाठून जनावरे चोरीस गेल्याची तक्रार दाखल केली.
चोरी करतांना चोरांनी लहान वाहनाचा वापर केला असल्याचा संशय पोलिसांना असून त्या दिशेने पोलिसांनी पुढील तपास सुरू केला आहे. याप्रकरणी पाचोड पोलीस ठाण्यात अज्ञात चोरट्यांविरुद्ध गुन्हा दाखल करण्यात आला असून, पुढील तपास सा.पो.नि. शरदचंद्र रोडगे यांच्या मार्गदर्शनाखाली बिट जमादार अफसर बागवान व रंजितसिंग दुल्हत हे करित आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.