

Shocking Canal Incident Father Allegedly Throws His Two Children Into Water on the Pretext of Offering Chocolates
esakal
-हबीबखान पठाण
पाचोड : ज्या पित्याच्या कुशीत मुलांनी सुरक्षिततेचा आधार शोधायचा, त्याच जन्मदात्या पित्याने काळजाचा तुकडा असलेल्या आपल्या दोन निष्पाप मुलांना चॉकलेट व वडापाव खाऊ घालण्याचे आमिष दाखवून जायकवाडीच्या डाव्या कालव्यात फेकून दिल्याची माणुसकीला काळिमा फासणारी हृदयद्रावक घटना सोमवारी (ता. १६) रात्री सात वाजेच्या सुमारास नांदर (ता. पैठण) शिवारात घडली. श्याम रोडगे (वय : पाच वर्षे) आणि आर्यन रोडगे (वय : सात वर्षे) अशी या दुर्दैवी चिमुकल्या भावंडाची नावे आहेत. घटने घडल्यापासून दोन्ही बालकांचा शोध सुरू असून अद्याप त्यांचे मृतदेह आढळून आलेले नाहीत. या घटनेने संपूर्ण परिसर सुन्न झाला आहे.