Mauli Enterprises Fireesakal
मराठवाडा
रांजणगावमध्ये गोडाऊनला भीषण आग; अग्निशमन दलाचे दोन बंब घटनास्थळी दाखल, शॉर्टसर्किटने आग लागण्याची शक्यता
Mauli Enterprises Fire : सुदैवाने या घटनेत कोणीही जखमी वा मयत नसल्याचे समजते. आगीचे कारण मात्र समजू शकले नाही. परंतु, गॅस सिलेंडरच्या स्फोटाने (Gas Cylinder Explosion) किंवा शॉर्टसर्किटने ही आग लागण्याची शक्यता वर्तविण्यात येत आहे.
Summary
वाळूज औद्योगिक वसाहतीतील रांजणगाव (शेणपुंजी) येथील ज्ञानेश्वर नरहरी हिवाळे यांचे जिल्हा परिषद शाळेजवळील न्यू श्रीरामनगरात तीन मजली घर आहे. तळघरात गोडाऊन, त्यावर दुकान व सर्वातवर हिवाळे कुटुंब राहतात.
वाळूजमहानगर : वाळूज औद्योगिक वसाहतीतील रांजणगाव (शेणपुंजी) येथे माऊली इंटरप्राइजेस या किराणा दुकानाच्या गोडाऊनला (Mauli Enterprises Fire) बुधवारी (ता.12) रात्री 12 वाजेच्या सुमारास भीषण आग लागली. घटनास्थळी अग्निशमन दलाचे दोन बंब दाखल झाले असून आगीवर नियंत्रण मिळवण्याचे काम सुरू आहे.