मांगनी नदीला पूर, जालना जिल्ह्यातील पाच गावांचा संपर्क तुटला

वडीगोद्री (जि.जालना) - वडीगोद्री (Vadigodri) विभागात अंतरवाली सराटी, नालेवाडी आदी ठिकाणी मंगळवार (ता.३१) पहाटे दोन वाजेपासुन जोरदार पाऊस (Rain) झाल्याने शेतात पाणी साचले आहे. नालेवाडी येथील मांगनी नदी , अंतरवाली सराटी येथील सुखी नाला, लेंडी नाला येथे पाणी आले आहे. भागात रात्रीपासून जोरदार पाऊस पडत आहे. मांगनी नदीला पाणी आल्याने वडीगोद्री ते भांबेरी रस्त्यावर वाहतुक बंद झाली आहे. नालेवाडी, रेणापुरी, चंदनापुरी, दह्याळा, भांबेरी या गावांचा संपर्क तुटला आहे. वडीगोद्री येथून येणारे वाहने नालेवाडीपासून वापस जात आहे. अंतरवाली सराटी येथील सुखी नाल्याला पाणी (Jalna) आले असून नाला भरूच वाहत आहे.

भागात विजेच्या कडकडाटासह जोरदार पाऊस पडत आहे. धाकलगाव, शहापुर या ठिकाणी मंगळवार पहाटेपासून पाऊस पडत असल्याने शहापुर येथील गल्हाटी नदीला पाणी आले आहे. सतत पाऊस पडत असल्यामुळें शेतात पाणी साचले आहे. सोयाबीन, कापूस, तूर या पिकांचे नुकसान झाले आहे.