Accident News : भरधाव ट्रॅव्हल्सखाली चिरडून पाचवर्षीय बालकाचा मृत्यू

देगलूर : सगरोळीहून देगलूरकडे येणाऱ्या एका भरधाव खासगी ट्रॅव्हल्सखाली चिरडून एका पाचवर्षीय मुलाचा जागीच मृत्यू झाला. ही घटना शुक्रवारी सकाळी साडेसातला नवीआबादी मेदनकल्लूर येथे घडली..नवीआबादी मेदनकल्लूर येथील अंगणवाडीत शिक्षण घेत असलेला ओमकार उमेश गुजलवाड (वय ५) हा इतर दोन बालमित्रांसह शुक्रवारी रोजी सकाळी साडेसात वाजता रस्त्याच्या पलीकडे शौच्यास गेला होता. परत तो घराकडे रस्ता ओलांडून येताना सगरोळीहून देगलूरकडे येणारी खासगी ट्रॅव्हल्स (एमएच-४३, एच-३२७६) भरधाव जात होती..यावेळी तीनही मुले परत घराकडे जात होती. यावेळी दोन मुले रस्ता ओंलाडण्यात यशस्वी झाली, तर ओमकार उमेश गुजलवाड हा ट्रॅव्हल्सखाली येऊन जागीच ठार झाला. मृत बालकाचे आई-वडील कामानिमित्त हैदराबाद येथे वास्तव्यास होते..त्यांना ही घटना कळवल्यानंतर ते मेदनकल्लूरकडे येण्यास निघाले. वडील आल्याशिवाय बालकाचा मृतदेह घटनास्थळावरून हलवू नये, अशी भूमिका ग्रामस्थांनी घेतली होती. त्यामुळे काही काळ तणाव निर्माण झाला..Durgapur Coal Mine : दुर्गापूर खाण विस्ताराला अल्टिमेटम; उच्च न्यायालय : दोन आठवड्यांत उत्तर देण्याचे निर्देश.पोलिसांनी घटनास्थळी पोचत मोठा फौजफाटा तैनात केला. सायंकाळी मृतदेह देगलूर उपजिल्हा रुग्णालयात हलविण्यात आला. शवविच्छेदनानंतर मृतदेह नातेवाइकांच्या स्वाधीन करण्यात आला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.