देगलूर - मराठवाड्यातील प्रसिद्ध कादंबरीकार व मराठवाडा साहित्य संमेलनाचे माजी अध्यक्ष बाबू बापूराव बिरादार यांचे अल्पशा आजाराने सोमवार ता. २८ रोजी पहाटे देगलूर येथील एका खाजगी रुग्णालयात उपचारादरम्यान दुःखद निधन झाले..मृत्यूसमयी त्यांचे वय ८० वर्ष होते. त्यांच्या पश्चात आई, पत्नी, चार मुले, चार मुली, नातू पणतु असा मोठा परिवार आहे. त्यांच्यावर सोमवारी सायंकाळी धनगरवाडी, ता. देगलूर येथे अंत्यसंस्कार करण्यात आले..श्री. बाबू बिरादार हे साहित्य क्षेत्रात मोठे प्रतिभावान कादंबरीकार म्हणून प्रसिद्ध होते. त्यांचे कावड, मातीखालचे पाय, गोसावी, अग्नि कास्ठ, अंत:पुरुष ,संभुती, आदिवास या कादंबऱ्या प्रसिद्ध झालेल्या आहेत..यातील कांही साहित्यसंपदेचा स्वामी रामानंद तीर्थ मराठवाडा विद्यापीठाच्या अभ्यासक्रमात समावेश करण्यात आला आहे. त्यांच्या साहित्य क्षेत्रातील संपदेचा शासनाच्या व विविध संस्थांच्या वतीने गौरव करण्यात आलेला होता. साहित्य क्षेत्रात मराठवाड्याचे शेक्सपियर म्हणून त्यांचा गौरवाने उल्लेख केला जात असे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
