गेवराई - बीडमधील गेवराईच्या दैठण गावात देशी-विदेशी दारूची सर्रास विक्री होत असल्याने मागील दोन या गावातील अति व्यसनाधीन झाल्याने चार जणांनी आत्महत्या करुन जीवनयात्रा संपविली..तरीही दारूबंदी होत नसल्याने दारूबंदीसाठी आज गेवराईचे माजी आमदार अमरसिंह पंडित यांनी थेट डिवायएसपी कार्यालयात धाव घेत वरिष्ठ पोलीस अधिकारी यांच्यासोबत बैठक घेतली. दैठण (ता. गेवराई, जि. बीड)हे गाव गोदावरी नदीच्या काठावरील गाव आहे. शिवाय उजवा कालवा गावाच्या बाजूने गेला असल्याने गावातील सिंचनयुक्त शेतशिवार झाले..प्रामुख्याने फळबाग, उस अदी नगदी पिके घेण्यास येथील शेतक-यांचा कल आहे. मात्र, अशा सुजलाम-सुफलाम बनलेल्या दैठण गावात मागील काही दिवसापासून विनापरवाना देशी-विदेशी दारु विक्री होत असल्याने तरुण वर्ग दारुच्या आहारी जाऊ लागलेला आहे..एवढेच नाहीतर अति व्यसनाधीन झाल्याने दारुच्या नशेतच चार जणांनी आत्महत्या देखील केल्या. गावचे सरपंच प्रताप पंडित यांनी दारू बंदीसाठी पुढाकार घेऊन आज गेवराईचे माजी आमदार अमरसिंह पंडित यांच्यासह गेवराई येथील डिवाएसपी कार्यालयात वरिष्ठ पोलीस अधिकारी यांची बैठक घेतली..या बैठकीला अप्पर एसपी सचिन पांडकर, डिवायएसपी निरज राजगुरू, पिआय प्रविणकुमार बांगर, एपीआय मनोज निलंगेकर, राज्य उत्पादन शुल्क विभागाचे अधिक्षक देशमुख, निरिक्षक रोहिणी फुलझळके आदी उपस्थित होते. यावेळी वरिष्ठ पोलीस अधिकारी यांनी गावातील दारूबंद करण्याचे आश्वासन दिले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
