परभणी ः जिल्ह्यात आज कोरोनाबाधित चौघांचा मृत्यू झाला. मृतांची संख्या १४५ वर पोचली. आज दिवसभरात ८३ रुग्ण आढळले. बाधितांचा आकडा तीन हजार ८४८ झाला आहे. त्यातील दोन हजार ९०९ रुग्ण बरे झाले आहेत.
बाधित व्यक्तीच्या संपर्कातील नागरिकांच्या रॅपिड टेस्ट होणार
कोरोनाचा वाढता प्रादुर्भाव रोखण्‍यासाठी सर्वसाधारणपणे कोरोना रुग्‍णाच्‍या थेट संपर्कातील व्यक्ती व शेजारी कुटुंबांतील नागरिकांच्या रॅपिड टेस्ट घेतल्या जाणार असून शनिवारपासून (ता.१२) या टेस्टला सुरवात होणार आहे. महापालिकेने कोरोना बाधित व्यक्तीच्या सहवास व संपर्कात आलेल्या हायरिस्क व लोरिस्क व्यक्तींमध्ये लक्षणे दिसून येत नाहीत. परंतु त्‍यांची तपासणी केल्‍यानंतर ते पॉझिटिव्ह आढळून येतात. ज्‍यामुळे कोरोनाचा प्रादुर्भाव रोखण्‍यासाठी बाधित व्यक्तीच्या सहवासात, संपर्कात आलेल्या High Risk & Low Risk व शेजारी कुटुंबातील व्‍यक्‍तींची केंद्र शासनाच्या निर्देशाप्रमाणे पालिकेने या टेस्ट करण्याचा निर्णय घेतला. त्यामुळे अशा व्यक्तींना पाच दिवसांनंतर रॅपिड अँटीजेन टेस्ट करावी लागणार आहे.
रॅपिड अँटीजेन टेस्ट करून घ्‍यावी
शहरात ता.सात सप्टेंबरपासून आढळून आलेल्या सर्व बाधित रुग्‍णाच्‍या संपर्कातील व्यक्ती व घराच्‍या शेजारी असणारे कुटुंबातील व्‍यक्‍तींची शनिवारपासून (ता.१२) रॅपिड अँटीजेन टेस्ट केली जाणार आहे. यासाठी फिरती रुग्णवाहिका बाधित रुग्‍णाच्‍या संपर्कातील संबंधित व्यक्ती व घराच्‍या शेजारी असणाऱ्या कुटुंबात यांच्‍या घरी जाऊन त्‍यांची रॅपिड अँटीजेन टेस्ट करणार आहे. नागरिकांनी कोरोनाचा प्रतिबंध करण्‍यासाठी व आपले कुटुंब सुरक्षित ठेवण्‍यासाठी रॅपिड अँटीजेन टेस्ट करून घ्‍यावी, असे आवाहन आयुक्‍त देविदास पवार यांनी केले आहे.
घरीच विलगीकरणाची संधी
ज्‍या नागरिकांची कोरोना टेस्ट पॉझिटिव्ह येईल त्‍या पात्र रुग्‍णांना घरी आवश्‍यक सोयी-सुविधा असल्‍यास त्‍यांना घरीच विलगीकरणाची संधी देण्यात येईल; तसेच त्‍यांच्या कुटुंबातील व्यक्तींना घरी आवश्‍यक सोयीसुविधा असेल तर त्‍यांना अलगीकरणाची संधी देण्‍याचा दावा पालिकेने केला आहे. अद्याप अशी सुविधा देण्यात आली नसल्याची माहिती सूत्रांनी दिली. त्याचबरोबर अशा व्यक्तींच्या उपचाराची जबाबदारी कोण घेणार, याविषयी देखील महापालिकेने स्पष्टता दाखवलेली नाही.
परभणी जिल्हा
एकूण बाधित रुग्ण - तीन हजार ८४८
आजचे बाधित रुग्ण - ८३
आजचे मृत्यु - चार
एकूण बरे रुग्ण - दोन हजार ९०९
उपचार घेणारे रुग्ण - ७९४
एकूण मृत्यु - १४५
संपादन ः राजन मंगरुळकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.