मित्राचा लग्नसोहळा आटोपून परतणाऱ्यांवर काळाचा घाला, अंबाजोगाईचे चार युवक जागीच ठार

Accident
Accident

अंबाजोगाई (जि.बीड) : मित्राचा लग्नसोहळा आटोपून परतणाऱ्यांची ऑटो आणि राखेची वाहतूक करणाऱ्या हायवा टिप्परची समोरासमोर धडक झाल्याने ऑटोतील चार युवक जागीच ठार झाले. गंगाखेड-परळी मार्गावरील करम (ता.सोनपेठ) गावाजवळ रविवारी (ता.१३) रात्री सातच्या सुमारास ही दुर्घटना घडली. सोनपेठ तालुक्यातील चुकार पिंपरी येथील विवाह सोहळा आटोपून गंगाखेड-परळी रस्त्याने परत परळीमार्गे अंबाजोगाईकडे निघालेल्या रियर ऑटोला (एमएच २३ टीआर ३११) परळीकडून राख घेऊन गंगाखेडकडे येत असलेल्या हायवा ट्रकने (एमएच २२ एएन ५१२१) समोरासमोर जोराची धडक दिली.

या अपघातात ऑटोचा चुराडा होऊन ऑटोतील विशाल बागवाले (वय २०), दत्ता भागवत सोळंके (२५), आकाश चौधरी (२३), ऑटो चालक मुकुंद मस्के (२२, सर्व, रायगडनगर, रा. अंबाजोगाई) हे चार तरुण जागीच ठार झाले आहेत. या अपघातामध्ये येथील रायगडनगरमधील रहिवासी असलेल्या चार युवकांचा मृत्यू झाला. त्यामुळे रायगडनगर परिसरात शोककळा पसरली होती.

संपादन - गणेश पिटेकर

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com