Onion Price Protest: कांद्याला कवडीमोल भाव; संतप्त शेतकऱ्यांचा गंगापूर-नाशिक रस्त्यावर रास्ता रोको, तासभर वाहतूक ठप्प

राजेंद्र व्यास

गंगापूर : कांद्याला भावच मिळत नसल्याने संतप्त झालेल्या शेतकऱ्यांनी सोमवारी (ता. 25) सायंकाळी साडेपाच वाजता गंगापूर बाजार समितीसमोर गंगापूर-नाशिक राज्य रस्त्यावर अचानक रास्ता रोको केले. गाड्यातील कांदा रस्त्यावर फेकून आंदोलन केल्याने जवळपास तासभर वाहतूक ठप्प झाली होती. वाहनांच्या लांबच लांब रांगा लागल्या होत्या.