माजलगाव (जि. बीड) - सेवाजेष्ठता यादीत नाव समाविष्ट करण्यासाठी प्रस्ताव तयार करून तो जिल्हा परिषद बीडला पाठवून केलेल्या कामाच्या मोबदल्यात पाच हजार रूपयांची लाच घेतांना येथील पंचायत समितीमधील ग्रामपंचायत विभागाचे विस्तार अधिकारी रामचंद्र होनाजी रोडेवाड यास लाचलुचपत प्रतिबंधक विभागाने सोमवारी (ता. 6) पकडले.
याबाबत पोलिसांकडून मिळालेली माहिती अशी की, केसापुरी ग्रामपंचायत कार्यालयातील लिपीक त्यांचे दहा वर्षे पूर्ण झाल्याने सेवाजेष्ठता यादीत नाव समाविष्ट करण्यासाठी प्रस्ताव तयार करून तो जिल्हा परिषद बीड येथे पाठवून केलेल्या कामाचा मोबदला म्हणून दहा हजार रूपये लाचेची मागणी केली. तडजोड करून पाच हजार रूपये स्विकारतांना ग्रामपंचायत विभागाचे विस्तार अधिकारी रामचंद्र होनाजी रोडेवाड यास लाचलुचपत प्रतिबंधक विभागाने सोमवारी पकडले. ही कारवाई लाचलुचपत प्रतिबंधक विभागाचे पोलिस अधिक्षक विशाल खांबे, पोलिस उपाधिक्षक शंकर शिंदे यांच्या मार्गदर्शनाखाली पोलिस निरीक्षक अमोल धस, पोलिस अमलदार भरत गारदे, श्रीराम गिराम, अमोल खरसाडे, अविनाश गवळी यांनी केली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.