परभणीचा तरुण शरीराने दिव्यांग, पण मनाने अभंग

Handicapped Youth runs tea stall in Parbhani
Handicapped Youth runs tea stall in Parbhani
Updated on: 

परभणी : बेरोजगारीचे भुत आजकाल सर्वांच्या मानगुटीवर बसलेले आहे. शिक्षण घेवूनही रोजगार मिळत नसल्याची ओरड तरूणांमधून होतांना दिसते. परंतू परभणीतील गुरुसिंह चंदेल या दिव्यांग युवकाने नोकरीच्या मागे न लागता पदवीनंतर सरळ स्वताचा चहाचा व्यवसाय सुरु केला आहे. गुरुचा चहा काही साधा-सुधा नाही तर तो गावराण गुळाचा चहा आहे. गुरुसिंहने दिव्यांगावर केलेली मात व त्यांचा चहा हा परभणीत चर्चेचा विषय आहे.

गुळाच्या चहाचा गोडवा

परभणी शहरातील स्टेशन रस्त्यावरून जातांना लाल भडक फलकावर गुरु टी हाऊस, गावराण गुळाचा चहा असा फलक लागलाय. हा फलक पाहूण रस्त्याने जाणारे येणारे नागरीक कुतूहलाने या फलकाकडे पाहून'चव तर घेऊ...' असे म्हणून सरळ गुरुच्या चहा टपरीवर येत आहेत. मग काय गुरुच्या हाताने बनविलेला गावरान गुळाचा चहा ओठाला लावताच चहा शौकिन तृप्त होतांना दिसत आहेत.

स्पर्धा परीक्षांचा सोडला नाद

आता तुम्ही म्हणाल की, गुरु अशिक्षित असावा..! तर तुमचा हा गोड गैरसमज आहे. गुरु चक्क पदवीधारक आहे. आणि त्याने औरंगाबाद शहरात राहून स्पर्धा परीक्षाही दिल्या आहेत. प्री परीक्षा पास झाल्यानंतर मेनला त्याला यश आले नाही. आपण दिव्यांग आहोत काय करावे हा विचारही गुरुसिंहच्या मनाला कधी शिवला नाही. या गड्याने हार न मानता परभणीत येऊन सरळ चहाचा व्यवसाय सुरु केला. कामाची इच्छेने त्याच्या अपंगत्वावर मात केली आहे.

गुरुसिंहचा व्यवसाय जोमात सुरु

दररोज 60 लिटर दुध खरेदी करून चहा तयार केला जातो. सुरुवातीला जिल्हा परिषद समाजकल्याण विभागाकडून व्यवसायासाठी गुरुसिंह याने दीड लाखाचे कर्ज काढले होते. आच गुरुसिंहचा व्यवसाय जोमात सुरु आहे. त्यांच्यासोबत रोजंदारीने तीन तरूण काम करतात. तरूणांनी नोकरीच्या मागे न लागता स्वताचा व्यवसाय सुरु करावा असे गुरुसिंह चंदेल सांगतो. त्याच्या वडीलांचाही हॉटेलचाच व्यवसाय आहे. शरीराने दिव्यांग असतांनाही मनाने मात्र आपण अभंग असल्याचे गुरुसिंह चंदेल याने सिध्द केले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

Sonia Mokase overcame family and financial challenges to become a police sub inspector
Jewellery Businessman Threatened With Pellet Gun After Parking Dispute in Sonar Galli Police Take Action
Latur District Bank Result
Mysterious Death of Monk in Math After Kirtan Missing Mobile Phone Adds Twist to Police Investigation