Latur Rain : लातूर शहरात पावसाचे ‘कमबॅक’; अर्ध्याच तासाच्या पावसाने रस्त्यांवर साचले पाणी

लातूर : मॉन्सुनचा प्रवाह कमजोर झाल्याने पावसाने उघडीप दिली आहे. त्यामुळे गेल्या तीन दिवसांपासून विश्रांती घेत असलेल्या पावसाने लातूरात रविवारी (ता. १) कमबॅक केले. सायंकाळच्या सुमारास ४५ मिनिटे वादळी वाऱ्यासह मुसळधार पाऊस झाला..त्यामुळे शहरातील रस्त्यांवर पाणी साचल्याचे दिसून आले. लातूरात २७ मे रोजी अतिवष्टी झाली होती. त्यामुळे शहरातील सर्वच रस्त्यांना नद्यांचे स्वरूप आले होते. अनेक घरात, दुकांनात पाणी शिरले होते. रस्त्यांवर गुडघाभर पाणी साचल्यामुळे वाहतूक ठप्प झाली होती. .रस्त्यावरुन वाहणाऱ्या पाण्यात दुचाकी वाहून गेल्याचेह प्रकार घडले. त्यानंतर दुसऱ्या दिवशीही (ता. २८) पाऊस झाला. पण गुरूवारपासून (ता. २९) पावसाने विश्रांती घेतली होती. त्यामुळे दिवसभर कडक उन्ह अनुभवायला मिळत होते..रविवारीही (ता. १) दिवसभर कडक उन्ह होते. पण सायंकाळी पाच वाजता अचानक पावसाला सुरवात झाली. वादळी वाऱ्यासह पाऊस सुरू झाल्याने अनेक दुचाकीचालकांना पावसात भिजावे लागले. रविवारच्या सुटीमुळे अनेकजण सायंकाळी घराबाहेर खरेदीसाठी पडतात. अचानक सुरू झालेल्या पावसामुळे अनेकांना खरेदीसाठी घराबाहेर पडता आले नाही. दरम्यान, सोमवारी (ता. २) दिवसभर ढगाळ वातावरण राहील, असा अंदाज हवामान विभागाने वर्तवला आहे..Gold Theft : कोल्हेबोरगावमध्ये एकाच रात्री आठ घरफोड्या;सात तोळे सोने, २८ तोळे चांदी, दीड लाखाची रक्कम लंपास.झाड कोसळले, खांब वाकलावादळी वाऱ्यामुळे महात्मा बसवेश्वर महाविद्यालयासमोरून बालाजी मंदिराकडे जाणाऱ्या रस्त्यावरील जुने झाड उन्मळून कोसळले. हे झाड विजेच्या खांबावर कोसळल्याने खांबही अक्षरश: जमिनीच्या दिशेने वाकला. त्यामुळे विजेच्या ताराही तुटल्या. या घटनेमुळे परिसरातील विद्यूत पुरवठा खंडित झाला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.